اکتێبی تراژیدیای بێ کۆتایی

ناو: تراژیدیای بێ کۆتایی شاعیر: سیابه‌خت (سوله‌یمان ئه‌حمه‌دزاده‌) بڵاوکه‌ره‌وه‌: شاعیر چاپی یه‌که‌م:1380 هه‌تاوی 2700کوردی 100لاپه‌ڕه‌ ئه‌ژمار 1000دانه‌ رووبه‌رگ: شۆڕش ئاهی رازاندنه‌وه‌و لۆگۆ: ئاسۆ مامزاده‌ پیتچن:سیابه‌خت:04826251232 [e-mail] نرخ: 450 تمه‌ن ISBN 964-364-036-1 شابک 964-364-036-1 آدرس مرکز پخش: تهران خیابان طالقانی-نبش ملک الشعرای بهار ساخرمان ایران بک- طبقه‌ سوم – نشر عابدتلفن 8812677-8 ادرس پستی:تهران – صندوق پستی 876- 14455 پێشکه‌ش بێ به‌: ئه‌و دایکه‌ی له‌ جیاتی شیر ئه‌شکی پێ دام. واسه‌حه‌ره‌ هێشتاکه‌ خه‌و له‌ چاوانم نه‌نیشتوه‌و گه‌لی براده‌رینه‌... ئه‌وی خوێنێ که‌ ده‌چکێ لێم خوێنی شه‌وی ڕابردوومه‌ له‌وه‌ێ کۆنه‌ دنیایه‌... که‌سێک نه‌بوو؟... گه‌لێک نه‌بوو... ناڵه‌ی منی بگاته‌ گوێ! دڵی خۆمی بنێرمه‌ لا، رازو سۆزی بۆ هه‌ڵرێژم! هه‌رچیه‌کم له‌ سینگ ناوه‌! هه‌ مووی بڵێم! هه‌مووی بێژم! وه‌ی لێ... سه‌حه‌ره‌!!! نێو دێ پڕ بوو له‌ خامۆشی چرای تاقه‌ ماڵێک جار له‌گه‌ڵ جار چاکتر ده‌دره‌وشایه‌وه‌. شه‌و ڕاشکاو به‌یانی هات! هه‌واڵی له‌دایک بوونی مناڵێ که‌ مامانه‌که‌ی هه‌ر ئه‌و شه‌وه‌ به‌نێو حه‌وت پشت له‌مه‌وبه‌ری خۆی کردبوو! ده‌نگی دایه‌وه‌. کاروانی چرکه‌ ده‌ئه‌ژوا، مناڵ، کڕووزایه‌وه‌! ئه‌مجار ده‌بوو ڕۆژووی بکڕێته‌وه‌: بۆ ئه‌وه‌ی نه‌بێته‌ برای که‌س هیچ دایکێک مه‌مکی نه‌نایه‌ سه‌ر زاری، به‌ڵام مناڵه‌که‌ش له‌وان جه‌سوورتر! هیچیان به‌ دایکایه‌تی وه‌ر ناگرێ! ته‌نێ که‌سێک نه‌بێ ئه‌ویش دایکی. مه‌خابن ئه‌وه‌ش ماوه‌یه‌ک بوو!ئه‌وجار ئیدی دایک به‌ په‌رۆشیه‌وه‌ نه‌ی ده‌توانی چی دی مه‌مک بنێته‌ سه‌ر زاری تاقانه‌که‌ی و، ئازار هه‌ر دووک مه‌مکه‌کانی داگرتبوو! دووباره‌ هاتووهاواری نێو دێ! به‌شکم هاتوو که‌سێک په‌یدا ببێ! که‌چی، نه‌بوو نه‌بوو ، هه‌ر نه‌بوو... پاییزه‌ پڕ ئازاره‌که‌ی 1360ی هه‌تاوی به‌ هیواو ئاواتێکی زۆره‌وه‌ له‌ حالێکدا به‌ته‌مه‌ن ساڵێک نه‌بوو! ناسنامه‌یان به‌ سێ شال بۆ وه‌رگرت! ته‌مه‌ن پێنج به‌ناسنامه‌ شه‌ش نرایه‌ به‌ر خوێندن. پیته‌کانی ئه‌لف وبێ تامی قسه‌ گه‌رم و گووڕه‌کانی مناڵانی هاوڕێی نه‌بوو! چاکیشی ده‌زانێ ئاو به‌ (آب) ئه‌نووسرێ! به‌ڵام (آب) نا به‌ئاوو... خوێندن له‌ ناوچه‌ی مه‌نگووڕایه‌تی مه‌هابادو ئاواره بوون و هه‌ڵاتن له‌ گه‌ڵ کۆچ بۆ بۆکان کۆتایی پێ نه‌هات. ژیانی ئارام و هه‌تا ڕاده‌یه‌ک دوور له‌ قاڵ وبگری بۆکان هه‌ر وه‌ها جیای له‌ دایک و باب هانده‌رێک بوون بۆ ئه‌ویندار بوون به‌ ئه‌وینێکی هه‌میشه‌یی ودایکی مه‌زنی نیشتیمان. هۆنراوه‌کانت سیابه‌خت: '' من وده‌ماوه‌ند شه‌رتێکمان کرده‌ن ئه‌و ته‌م ومن خه‌م تاوه‌رۆی مرده‌ن'' کۆرپه‌که‌ خۆم بووم و مه‌هاباتیش شوێنی لا دایک بوونم! هه‌تا ئێسته‌ش جێگه‌ی ژیانم نازانم! ووڵاته‌که‌شم کوردوستان ی (ایران) هه‌ڵسه‌نگاندن با له‌سه‌ر خۆتان بێ! تراژیدیا! ژان و فرمێسکی ته‌مه‌نێک مردن وته‌مه‌نێک ژیان! پێشکه‌ش بێ به‌: - فرمێسکی هه‌ژارانه‌ی مناڵانی هاوڕێی ئاواره‌ییم. - به‌ په‌بووله‌یه‌ک (که‌) فڕی به‌ باڵی سه‌وزوو سووره‌وه‌. - ئه‌و که‌سانه‌ی که‌ پێوه‌م ماندوو بوون. e هه‌ر بژین – سوله‌یمان ئه‌حمه‌دزاده‌ 1380/1/10 نازانم بڵێم چیه‌ک...! باکارمان به‌وه‌ نه‌دابێ یه‌که‌م شێعر باوه‌ ئاده‌م له‌ شینگێڕی هابێل دا وتوویه‌!؟ یان دا یه‌ حه‌وا به‌ده‌م لای لایه‌وه‌ به‌ گوێی قابیلی داداوه‌! ره‌نگه‌ یه‌که‌م گازه‌کانی ئاده‌م له‌ ته‌ک کردگارا شاعیرانه‌ بووبێ که‌ وا هه‌ زوو خۆشه‌ویستی جلی ژاناوی هه‌ست وئاوه‌زی به‌به‌ژنی بوونی ئینسان بڕی. ئه‌م ڕۆ که‌ شێوازه‌ ئه‌ده‌بیه‌کان فره‌ن وباس و خواسی جیهانی بوونی ئه‌ده‌ب له‌ ئارا دایه‌ ره‌خنه‌ گرێک وتوویه‌ (( ئێمه‌ به‌ڕاده‌ی دانه‌ دانه‌ی ئه‌و نووسه‌رو شاعیرانه‌ی که‌ ده‌نگێکی سه‌ر به‌خۆیان هه‌یه‌ ئه‌توانین شێوازی ئه‌ده‌بیمان هه‌بێ)) ئه‌ویش لاکاتێک دا هه‌ر سه‌بکێ دۆینێ نوێ بووبێ ئه‌مڕۆ کۆنه‌! به‌م پێودانه‌ نابێ زۆر به‌ته‌نگی سه‌بک و مه‌بکه‌وه‌ بین و له‌ ته‌شقی ساکاریا دڵ هه‌رچی ده‌ڵێ بابیڵێ. له‌وش گه‌رێین جارووبار گێژه‌ڵووکه‌ی بیری ئینسان به‌ هه‌وای گۆڕانکاریه‌وه‌ له‌ قه‌واره‌ی پۆست مۆدێرنیزم و شتی وادا بووکی نه‌به‌دی داده‌به‌زێنێ و له‌ داخی بێسه‌ره‌و به‌ری زه‌مانه‌ ''بێ مانایی'' ده‌کاته‌ دژ کرده‌وه‌ی به‌ر‌ه‌نگاری! بۆ خۆ پاراستن له‌ خۆ پاته‌ کردنه‌وه‌و دووپاته‌ بوونه‌وه‌ش هه‌وڵی داهێنه‌رانه‌ پیرۆزه‌! به‌ڵآم ده‌بێ بۆ هه‌رچه‌شنه‌ نه‌ریت شکێنیه‌ک گه‌ڵاله‌ی شکۆمه‌ند تر مان پێ بێ. رووخاندنێک جێگای رێزه‌ که‌له‌گه‌ڵ درووست کردنه‌وه‌دابێ نه‌وه‌کوو وێرانه‌ له‌ پاس زۆی به‌جێ بێڵێ! پێش شۆڕش مامۆسرایه‌کی قوتابخانه‌ هاتبۆ ئاواییه‌که‌مان باوکم له‌گه‌لی ده‌بێته‌ دۆست.ده‌ڕوانێ هێشتا ره‌به‌نه‌ و ته‌مه‌نیشی گه‌ڕاوه‌ته‌وه- له‌گه‌ڵ ئه‌وه‌ گه‌لێک موشکیل په‌سه‌نیش بوه‌!- زۆر هانی ئه‌داله‌ کچانی ئاوایی یه‌کێ هه‌ڵبژێرێ بچن داوای بۆبکه‌ن به‌شکوو داوی دامه‌زرێ! پێمل نابێ وده‌ڵێ: هیچ کامیانی به‌ته‌نێ به‌دڵ نیه‌! به‌ڵام ئه‌گه‌ر چاووبرۆی خه‌جێ شه‌ل به‌ قه‌دوباڵای کچه‌که‌ی کوێخاوه‌ بایه‌ له‌گه‌ڵ له‌نجه‌و لاره‌که‌ی سه‌یزاده‌و ئاوو ڕه‌نگی که‌نیشکی مه‌لاو مه‌تانه‌تی کیژی ئاغا له‌سه‌ر یه‌ک پێکه‌وه‌ ده‌بوونه‌ شتێک! - بێتوو رۆژێ ته‌واوی خاڵه‌ ئینسانیه‌کانی خه‌ڵکی سه‌ر زه‌ویله‌یه‌ک درین وئاوێته‌ بن له‌ سایه‌ی زانستی ژنێتیکی ئه‌ده‌بی دا ره‌نگه‌ ئو ئه‌ده‌به‌ جیهانیه‌ی ئه‌مڕۆ باسی لێ ده‌که‌ن به‌ کرده‌وه‌ بسه‌لمێ. و له‌و تێک هه‌ڵشێلانانه‌ دایه‌ هه‌ویری هه‌وڵه‌کان نانی گیانی لێ دێ. ((قه‌ڵه‌م+ خوێن=شێعر و ژیان)) شتێکی ئاشکرایه‌ هیچ گه‌لێکی دنیا به‌قه‌د ئێمه‌ ژیانی له‌ که‌ژاوه‌ی ژانا رانه‌ژاوه‌. که‌سایه‌تیه‌ کارێزمایه‌کانی ئێمه‌ هه‌موو به‌سواری وشتره‌وه‌ له‌ کوونی ده‌رزیه‌وه‌ ره‌ت ده‌بن، فریا که‌وین خۆمان بنووسینه‌وه‌ شاکاری گه‌وره‌ ده‌خوڵقێنین . شێعری(( سیابه‌ختی)) مه‌ له‌ (تراژیدای بێ کۆتایی) دا لاپه‌ڕه‌یه‌کی نوێ له‌ ده‌فته‌ری شێعری به‌ره‌ی دووهه‌می شاعیره‌ ئازاده‌کانمان هه‌ڵده‌داته‌وه‌ که‌ زمانی ده‌ربڕینیان له‌ جاو نۆبه‌ره‌ی هه‌وه‌ڵ هه‌ندێ جیاوازه‌. جاری وایه‌ هۆنراوه‌کانی به‌ئانقه‌ست رێزمان تێک ده‌شکێنێ تا ڕه‌مزێک له‌ دڵ گه‌وره‌یی ره‌سه‌نایه‌تی زمانی کوردی بێ. ئه‌گه‌ر جارو بارێک ئاژوانێکی ئه‌ده‌بی شوێنی له‌سه‌ر دانابێ دڵنیام چۆن شاعیر له‌ سه‌ره‌تاوه‌ رێگه‌ی خۆی دۆزیوه‌ته‌وه‌ ئه‌و رچه‌ تاقی کردنه‌وانه‌ سه‌ری لێ نا شێوێنێ. به‌یانێ سه‌ر که‌وتوه‌ خۆمانه‌ بێ. به‌ کورت و کرمانجی وه‌بیری خۆمان بهێنێته‌وه‌. ل50 ((مناڵیم دایکی پیریمه‌)) ل60 (شه‌وی هه‌ینی) ل58 ( خۆڵاویه‌ ده‌سته‌کانی) بڕوانن له‌ سه‌ر ده‌قێکی کۆن چ لێزانانه‌ به‌رامه‌ی هزرێکی تازه‌ له‌ به‌ رۆکی ئاوه‌زمان ئه‌پژێنێ. ئه‌ی داره ئه‌ی داره‌ داره‌‌ داره‌ مامه‌ چکۆله‌م تۆ خوا دار داره‌ به‌به‌ له‌ سابڵاخ لانکت بۆ دێنم به‌به‌ له‌ هه‌ولێر ژنت بۆ دێنم! تۆ داره‌ داره‌... خوێنه‌ری خۆشه‌ویست: دڵنیام له‌ کاتی خوێندنه‌وه‌ی(تراژیدای بێ کۆتایی) دا ده‌ره‌نج ئه‌ده‌ی به‌ زۆر لایه‌نی دیکه‌ی شێعره‌کانی کاک ((سیابه‌خت)) تکات لێ ده‌که‌م! بۆ چوونه‌کانت ئازا بنووسه‌وه‌ ئه‌گه‌ر له‌ گه‌ڵ روانگه‌ی من دا جیاوازیان بوو دڵنیا به‌ من تێنه‌گه‌ یشتووم. دڵ گه‌ش بن - بۆران ‌ ‌‌ (...) له‌ منداڵی به‌ڕه‌وه‌وه‌ی داری به‌ڕوو پێ ڕۆکه‌بووم! به‌روه‌ چیا! به‌ره‌و ناخی زه‌وینی خوێن! به‌ قوونه‌ خشکه‌ هه‌ڵ ده‌چووم! وێردی سه‌ر زمانی لاڵم! تاقه‌ قسه‌ی گڕووگاڵم! دار به‌ڕووی چیای بژوێن بوو!! تاقه‌ شتی کاتی کایه‌م: گۆچان به‌ڕووی باپیره‌م بوو! ئێسته‌ به‌ڕوو! به‌ ڕق داچوو! تیری تیژی لێ ئه‌تاشن! له‌ناخی جه‌رگم کار ده‌کاو! مه‌لی هیوامی له‌ سنوور! کۆتری ئه‌وینی رێگه‌ دوور! گێڕاوه‌ لام به‌باڵی سوور!! 1377 (...) هۆ باده‌ نؤش! هۆ باده‌ نۆش! باده‌ی گه‌رم شه‌ڕاوی خه‌ست! له‌ پیاڵه‌ی سپی بێ خه‌وش! به‌کام ئاوێکی پاک ده‌شۆن؟! مه‌گه‌ر مه‌یتی سوور خه‌ڵاتێ شه‌هیدی ژین! له‌ هۆمایلێکی گه‌رد نه‌دیو! هیچ چاوه‌ڕوانی شووشتنه‌! مه‌گه‌ر رژانی خوێنی گه‌ش له‌سه‌ر ئاڵای که‌سک و سووری سه‌ر مه‌زاری گۆڕ غه‌ریبێک موحتاجی چیرۆک بێژتنه‌!؟ هۆ باده‌ نۆش: هۆ باده‌ نؤش: بێژه‌...! بێژه‌..! چاوو دڵ روون به‌ ئه‌شکی چاو! به‌خوێنی ذڵ! کاتێ هه‌زاران قاره‌مان بێ مه‌ترسی! له‌و شه‌ڕاو ده‌خواته‌وه‌! کوڕه‌ شه‌هیدێکیش ده‌بێ! به‌ ئاوی چاو! به‌ خوێنی سوور! پیاڵه‌ی سپی باوسه‌ گه‌وره‌ی... بشواته‌وه‌!! 1378 (---) کاتێ شێعر: کاتێ وشه به‌ رێژنه‌! داده‌ بارێنه‌ سه‌ر قاقه‌زێ! هێلانه‌ی دڵ ئاوه‌ڵایه‌و… له‌ سه‌ر هه‌موان کورک ده‌بێ! هه‌تا رۆژێک … سه‌ر له‌ هێلکه‌ ئه‌ هێننه‌ ده‌ر!!! 1377 ‌(---) کاتێ هه‌تاو! رووووگرژ ئه‌کاو! کاتێکیش مانگ! دائه‌ گیرسێ: وێنه‌ی خاتوونێکی ره‌شپۆش… ده‌سووتێنن!!! له‌ پشت نه‌رده‌ی زیندانه‌کان…! 1377 (---) کاتێ ته‌رزه‌! روومه‌تی سووری خه‌شخاشک، پاش رامووسانێک! گرژ ئه‌کا! ئیدی نه‌ته‌رزه‌ هه‌ڤاله‌و! نه‌ گوڵ، بۆنی پێوه‌ ده‌کا! 1377 (---) کاتێ که‌ خۆر چاوی هه‌ڵگڕت! بۆبه‌یانی بووکی سه‌حه‌ر! ئه‌ستێره‌ کان، به‌ قاو وقیژ هه‌ڵده‌هاتن! به‌ره‌و تاریکی راده‌خوشان ئه‌ی کێ ئه‌ڵێ؟ هه‌ساره‌و رۆژ… دووهه‌ڤاڵن ده‌سته‌ملان!! 1377 (---) کاتێ له‌ بۆم! زێڕوه‌شانی زه‌رده‌ خه‌نه‌ی، بووکی ئازار! هه‌گبه‌ی خه‌فه‌ت! لێوڕێژ ده‌کا! بێ ئیختیار؛ هه‌نبانه‌ی له‌کۆڵم ده‌نێم! له‌ ژێر دوودانه‌ تاشه‌به‌رد! دای ئه‌ پۆشم به‌و هیوایه ی‌: ((خیز گوڵ بکا)) 1377 (---) که‌ گڵۆپی سووری ته‌مه‌ن! فووی لێ کرا له‌ ژێر تاشه‌ به‌ردی کێلی گڵکۆم؛ دووکیژم دین... دڵۆپ دڵۆپ فرێسکی گه‌ش! له‌ چاوی ره‌شیان داتکا! پاش تاریکان! چوار ئه‌شک بوو.. تیشکی ئه‌داو! ئه‌بوه‌ چرا!!! 1377 (---) له‌ داوێنی گوڵێکه‌وه‌! گه‌ر بڕوانی: به‌رزایی و دووندی چیایه‌. له‌ ئاسمانی دڵێکه‌وه‌ که‌ بڕوانی: ئازاد ی و تیشکی وه‌فایه‌. له‌ چاوانی برسی من دا! که‌ ورد بێوه‌: ته‌نیاو ته‌نیا! دیمه‌نێکی بێ بارانه‌! لاناو قاقڕی ته‌نیاییمدا! تابڵۆیه‌کی ره‌شی ڕه‌شی بیابانی و هه‌ڵقرچاوی مه‌رگه‌ساتی به‌هارانه‌!! 1377 (---) دنیا ته‌نگه‌و! زیندانی ذڵ، به‌ر ته‌سک تر! ئه‌وه‌ی که‌من ئازار ئه‌دا! قه‌فه‌زی ته‌نگی که‌وبازه‌! مه‌ل سه‌ر چیای لا گرینگه‌! با ده‌رک وبانی زێڕیش بێ!!! 1377 (---) ده‌گێڕنه‌وه‌: له‌ وڵاتێک شێخێکی پیری هه‌ژاریان، به‌ تاوانی خوا په‌ر‌ه‌ستی! ئه‌برده‌ به‌ر پێی ‌سێداره‌! پاش خنکانی ئه‌م شێخه‌ بێ ئازاره‌! دارتاشێک به‌ چه‌کوش وبزمار! گورجێ ‌هات و لانکۆڵه‌یه‌کی چێ ئه‌کرد! بۆ مناڵێکی ئاواره‌! 1377 (---) قه‌یرێک هاتوو... قه‌یرێکیش چوو.. ووڵات هه‌رمات وئارام بوو، پاش هه‌ڵدانی چرپێکی تر! کازیوه‌ ئه‌یناشت... ته‌رمی گڕ... 1377 دڵ؛ هه‌ر سیا! چاو، هه‌ر سیا! گوڵ هه‌ر سیا! دڵ وگوڵ وچاو وچیا! هه‌ر چواریان (( سوور)) له‌سه‌ر بڕوا به‌دوای برۆ وچاوی سیا!!! ----- ئاسمان: بێکار! زه‌وی: به‌یار! چه‌پکێکی گوڵ له‌سه‌ر مه‌زار!!! دوو کیژ له‌ سه‌ر گۆڕێ غه‌ریب، به‌ دڵ شادو چاو ئه‌شک بار!!! ----- پێچ پێچ وخوار! پۆڵای دیوار! پڕ جند ومار! قوتابیخانه‌ی مرۆیه‌ک، پاش تاریکان ئه‌ی ده‌ن له‌ دار!!! --------- 1377 (---) من!؟ تۆ! تۆ شه‌هیدێ به‌ کفنی ئاڵ! منیش! منیش گۆڕه‌پان بۆ شه‌ڕت! چیها تاڵه‌! چیها ڕه‌شه‌! کاتێ خاوه‌ن! ئه‌و گۆڕه‌ پانه‌ ته‌ڕ بکاو! سوارێ گلاو له‌ ئه‌سپی خوێن! به‌ هاتوو هاوار بچته‌ خوار!!! 1378 (---) به‌ کام لاوک دڵم خۆش که‌م! به‌ وایلۆکی هه‌ڵقرچاوی، گه‌رووی کام ڕێبواری برسی؟ به‌ هانکه‌ی کام کرێکاری هه‌گبه‌ له‌شان! به‌ کام خه‌نده‌!؟ به‌ کام گر‌یان!؟ خۆ ناهێڵێ له‌ خه‌ویشا یادت بکه‌م! ئه‌و ئاواته‌ی پێی نه‌ گه‌ییم! ((له‌ من ناگه‌ڕێ فکری نان)) 1378 (---) وه‌ره‌ مه‌ڕۆ!! هۆ باڵا به‌رز:! بالات به‌رز به‌ به‌رزایی! دیواره‌که‌ی به‌ندیخانه‌ی وڵاتی من! وه‌ره‌ مه‌ڕۆ! من ئه‌شکبار!! تۆش بێ قه‌رار! ئا له‌و کێشه‌ی ده‌ورانه‌دا منم به‌ندی و ئه‌تۆ رزگار...! 1378 (---) ئه‌وه‌ سووری هه‌ڵاڵه‌یه‌!؟ که‌ ئه‌ی بینم! یان ئه‌شکی خوێن!؟ شیناوه‌ردی به‌هارانه‌! یان شه‌خته‌ لێدراوی پاییز!؟ ئه‌و بۆران وهه‌وره‌ گرمه‌! ئاوسی بارانێکه‌ ئاخۆ؟ یان گریانه‌!؟ ... من ده‌زانم: ئه‌شکیش نه‌بێ! ((ته‌رزه‌ باران)) تریشقه‌یه‌ بۆ گوڵستان! هه‌ر سووتانه‌! هه‌ر سووتانه!‌ هه‌ر سووتانه‌! 1379 (---) له‌سه‌ره‌خۆ... پێ ده‌که‌نی ئه‌یوت مێژوو... به‌ ئه‌شکی چاوه‌کانی ئاشقه‌ ڕووته‌ی! وه‌کوو فه‌رهاد! به‌ ده‌سماڵی یای خه‌چ و زین پۆشته‌ ده‌بێ و گوڵ ده‌ر ده‌کا. له‌سه‌ره‌خۆ پێ ده‌که‌نی! ئارام ئارام دووره‌وه‌ بوو! هه‌ر رۆیشت و هه‌ر رۆیی و چوو... له‌ سه‌ره‌ خۆ بوو به‌ مێژوو... (---) کانی نه‌بوو... فرمێسکی چاوه‌کانم بوو! ئه‌و رووباره‌! باوه‌ش نه‌بوو... مووچڕکی ژان وماته‌م بوو! ئه‌و گوشینه‌! ... ئه‌دی کیژه‌ رووسوره‌که‌ من ئه‌وینداری تۆ نه‌بووم! باوه‌ڕ بکه‌! ... ئه‌وین نه‌بوو.. ئه‌و گڕکانه‌! ئاگر نه‌بوو... ئه‌و سووتانه‌! هیشرێک نه‌بوو... ته‌نیا وتانیا دوایین هۆنراوه‌ی هیوام بوو، له‌ ناو کاتی چاوه‌ڕوانی و بێشکه‌ی ئاوات. ئه‌رێ بڵیی کاتێ نه‌یا؟ به‌رو بوومی هیوا بگات... 1379 (---) تریشقه‌ی بوو، هه‌وری به‌هار له‌ ئامێزی به رزی ئاسمان! له‌ باوه‌شی گه‌رمی منیش؛ کۆرپه‌یه‌ک بوو! تریشقه‌ی هات به‌ره‌و گریان! من دڵنیام... ئه‌و رۆژه‌ دێ... زیڕه‌ی مناڵی ئاواتمان ده‌ڕوات ده‌ڕوات! هه‌تا هه‌وێقی ئاسمان!! ئه‌گه‌ر ته‌نیا جارێکیش بێ تێر تێر ئه‌بێ! تێر له‌ گریان... مناڵی مه‌ ده‌نگی به‌رزه‌! با ره‌نگ زه‌ردیش بێ! له‌ برسان! 1379 (---) بووخچه‌یه‌کی نایه‌ سه‌ر شان! پشروێنی تووند کرد.. شێره‌ژن. ... مه‌یتێکیان نابوه‌ سه‌رشانی دووره‌وه‌ بوون به‌ گریه‌ وشین... ... به‌ڵام ئاخۆ!؟ کاتێ نه‌هات؟ ئه‌و مه‌یته‌یان دوور لاچاوی مه‌! بنێژن...!؟ 1378 (---) له‌ به‌هه‌شتی وڵاتمدا... گوێ به‌ زه‌نگم بۆچرپه‌ی پێی تاقه‌ شه‌یتانی رزگاریم!!! هۆ فریشته‌ی ئه‌هوورایی! زه‌رده‌شت: له‌ خێڵی کام خود! ئاورگی دامه‌زراندوه!؟ بابه‌ شه‌یتان چاوه‌ڕوانه‌ له‌ پشت ره‌شماله‌ به‌رزه‌کان...! 3/12/1378 (---) که‌ پاییز هات! ئای بۆ زستان! که‌ زستان هات! ئای بۆ به‌هار... ئاوری نه‌ورۆز لێره‌و... له‌وێ... گه‌ر به‌هاریش هات! مه‌خابن... گه‌ردن ئازاییت! لێم ده‌وی!!! 1379 (---) له‌ ژێر تیرێژی خۆره‌ تاو... ئاونگ ده‌که‌وته‌ په‌لکێ گووڵ! لای خه‌زه‌ڵ وه‌رینی پاییز... گه‌زیزه‌ له‌ دایک ده‌بوون! له‌ ڕێبه‌ندانی زستانا... هه‌وره‌ گرمه‌ی بوو ئاسمان! له‌ چه‌ژنی سالی ئازادی! شه‌هیده‌کان ده‌نێژران! کات به‌ره‌و کوێ! له‌ رێ دایه‌؟ مێژوو غه‌رقی کاره‌ ساته‌!؟ 1379 (---) ژیکه‌ڵه‌ که‌: ئه‌ی گوڵی سوور! خۆ من! ئه‌تۆم نێو نایه‌ گووڵ: نه‌ک ته‌مه‌نت! ده‌ک بێ به‌هار چاوی هه‌ورم! تۆش گووڵ نه‌بی! نه‌کا! په‌ڕپه‌ڕ بی له‌ ده‌ورم... 1379 (---) تا ئاورمان بووی ئاگردان، به‌ هه‌شتی سه‌ر ڕووی زه‌وی بوو! کوردستان! که‌ کووژاوه‌ ئاگر ئینجا! لێیانده‌دا زوڕنا و هوڕڕا... جه‌هه‌ننه‌مێکی ئاورین... بۆته‌ زیندانی ئه‌ هوورا!!! 1379 (---) ژیکه‌ڵه‌ چاوشینه‌که‌ی خوا: ئه‌ی دوورتر له‌ هیوا و ئاوات! دووژمنیت به‌سه‌ ئاسمان! ... دڵ پڕی نێو چاوان گرژ! ئه‌ی هه‌وره‌ بێ بارانه‌که‌: ... رووڕه‌شی ده‌رکی خۆره‌تاو! تاسه‌باری تا ئه‌به‌دی بۆ چواانی کیژی ئه‌ستێره‌! ... ئه‌منی له‌ کاروان جێماو... شه‌که‌ت ماندوو دڵنیابه‌ حه‌ریفت نێم! نه‌ بۆ جوانی! نر بۆ مه‌کر! نه‌ شه‌یتانی! من کۆچه‌ری ڕێگه‌ ون بووی... شه‌وگاری هه‌وری به‌هاریم! ... به‌ره‌و هێلانێکی گه‌رمی... بێ زڕدایکی وه‌ڕێ که‌وتووم! ... تاسه‌باری مژینی مه‌مکی پڕشیری دایکی خۆمم... نه‌ک تازێبار!!! بۆمن مه‌گرین ئه‌ی هه‌ڤاڵان! تینووی مه‌یلم! بۆ خه‌وتن له‌ناو کۆشی دایک چاو که‌ شه‌و و رۆژ ناناسێ! ئاواره‌ نیم! بێ لانه‌ نیم! فه‌له‌که‌ له‌من ناگه‌ڕێ!!! 1379 (---) سه‌رگه‌ردان...! سه‌رگه‌ردان...! سه‌رگه‌ردان...! له‌ناو کۆڵانی خه‌یاڵا، خه‌وی سارد و شه‌وی زستان! بۆ منی مه‌م ئاگر ... سووتان... بۆ هاواری ئه‌ی ئاو هه‌ی ئاو! پیاڵه‌م به‌ده‌ست... به‌کره‌ شه‌یتان!!! 1379 (---) پرسیا بوو... خێڵی بولبولان! ئه‌رێ! میراتگری گوڵان کێیه‌!؟ که‌وێ له‌سه‌ر دووندی چیا هاته‌ وڵام!! گریانی گووڵ به‌شی ئێوه‌! بۆ ئێمه‌ش هه‌ر... کونچی قه‌فه‌ش! به‌ قه‌قنه‌س چی!؟ به‌هار نوێیه‌!!! 1379 (---) بگرین... بگرین... ئه‌ی هه‌ڤاڵان، وڵاته‌که‌م بێ بارانه‌... به‌شکم رۆژێ بێته‌ به‌هار! بێمه‌لات... بۆ نه‌ورۆزانه‌ 1378 (---) هه‌تاوه‌کان... دێن وده‌ڕۆن، شه‌تاوه‌کان... که‌لێڵ ده‌بن؛ په‌نگیش ده‌خۆن! بێ واده‌ گریانه‌که‌ی تۆ چاوه‌ڕوانی پاییزێکه‌! ئه‌ی بۆخۆت چۆن؟ ئه‌ی بۆخۆت چۆن؟ 1379 (---) ئازیزه‌که‌ی من؛ چاوه‌ڕێ! من چوزانم ئیدی سبه‌یش چ گریانێکم دێته‌ رێ! ... بۆ دیتنی کۆرپه‌ی ئاوات! ساڵهای ساڵان بووم په‌له‌! ئه‌ی چووزانم له‌دایک بێ! به‌ده‌سرازه‌ی ماری حه‌و قه‌ف... له‌لانکۆڵه‌ ده‌نێ له‌له‌؟! ئازیزه‌که‌ی من چاوه‌ڕێ! .........ئه‌رێ! .........ئه‌رێ! ..........ئه‌ری! 1379 (---) ئازیزه‌که‌... لای به‌هار بوو! لای به‌هار وسه‌ری ساڵ بوو... بولبول به‌ گوڵ ده‌بوو خه‌نی! گوڵستانێش پڕ به‌قاقا... پێ ده‌که‌نی! به‌ر له‌وه‌ی مناڵه‌کان بێن! بڵێن هه‌لاوه‌ مه‌لاوه‌... ئازیزه‌که‌! پشوویه‌ک باو! چرای ماڵێمان کووژاوه‌! 137 (---) باوه‌ش: ته‌ماحی حه‌زیا! ئامێز: ئارام گرتن له‌میل دا! ماچ: جه‌غزێک بۆ ناساکی ناسک! گوشین: یه‌ک بوون! پێک گه‌یین: مردن! حه‌سانه‌وه‌ی تائه‌به‌دی... له‌ باوه‌شی حه‌زیاو ئاوات! - هه‌ستی گوشین! - دوو ده‌ست گه‌رم! (---) موژده‌ی ئه‌دا... پێنووسه‌که‌م! ئه‌و رۆژه‌ دێ ببێ به‌ گڕ... رۆشن بکا! نیشتیمانم! سه‌ت مه‌خابن! کوژاندیه‌وه‌ سێڵاوی روونی چاوانم...! 1379 (---) شه‌و: سێداره‌ی مه‌رگ! به‌یان: کۆچی ئه‌ستێره‌! هه‌ڵاتن: سه‌ره‌تایه‌ک بۆ ئاوابوون! تاوهه‌ڵات: دایه‌ گه‌وره‌ی رۆژ ئاوا بوون! هه‌بوون! نه‌بوون! نه‌هاتن چوون: پڕپڕ شنه‌ با بۆ گه‌رووم! ئاخ!!! له‌و تاوانه‌! مناڵیم! دایکی پیریمه‌...! 1379 (---) جاوه‌کانت کیژی به‌یان. قژی ناساکی شۆڕه‌بی پرچه‌کانت! ده‌ستت باوه‌شی پێک گه‌یین! له‌نێو دڵداران خۆشه‌ویست. باوانه‌که‌م باوانه‌که‌م! ... پڕ به‌ باڵای خۆشه‌ویستی! هه‌ستی ئه‌وین! پڕ به‌چاوی هه‌رزه‌کاری چاو داگرتن! پڕ به‌ هێزی هه‌ر دووک ده‌ستم! بۆت ڕێک گووشین! خاچی نیگام... ئاواته‌که‌م! باوانه‌که‌م! 1379 به‌ره‌و پیر چوونی شێعرێکی بۆران مناڵه‌کان! برسیله‌ چاو که‌ژاڵه‌کان! مامه‌ قاله‌ دۆینێ شه‌وێ! نانی هه‌بوو! برسی نه‌بوو! هێزی هه‌بوو! رێزی هه‌بوو! به‌ ناڵه‌و ده‌نگی شمشاڵی... به‌گژ فه‌قره‌قادا ده‌چوو.. ئه‌و ئه‌گه‌ر چی پووڵی نابوو زێڕی نه‌بوو! خانوو و ماین و هۆڵی نه‌بوو...! مه‌به‌ست قاله‌مه‌ڕه‌ی شمشاڵژه‌ن مامه‌ قاله‌! دۆینێ شه‌وێ: مناڵه‌کان! هه‌ر خۆێ نه‌بوو!!! به‌ ئاهه‌نگی... ((پێش مێگه‌له‌! ((پێش مێگه‌له‌! (کێ ده‌ڵێ چاخی چه‌قه‌ڵه‌) له‌ که‌ناران له‌ گۆمه‌شین! ماسی ده‌هێنانه‌ مه‌له! مناڵه‌کان ئه‌و ئه‌گه‌ر چی! هاوار ده‌کا: من نیم! من نیم! ره‌ش سواره‌کانی چوار چرا! ده‌ست هه‌ڵدێنن! ته‌سلیم! ته‌سلیم! 1379 ‌ (---) شه‌مۆ چۆن هات! وا بڕیاوه‌! یه‌ک شه‌مۆهات... هه‌ر ئاواش چوو! کوڕی هه‌ژار بێکه‌ش برسی، ئه‌نووزاوه‌! چوار وپێنج چوو! شه‌وی هه‌ینی! باوکی کرێکار گه‌ڕیاوه‌! به‌ده‌ستی پڕ! به‌ڵام بلۆق!!! هه‌تا ئه‌نیشک ڕاساوه‌...! 8/5/2700 (---) که‌ ئاسمان بسکی شه‌وی! به‌قژگیره‌ی برووسکه‌یه‌ک! ئه‌کرده‌ پرچ! به‌ره‌و به‌یان! چاوی هه‌ور! مرواری گه‌شی هۆنراوه‌ی دائه‌باراند. ئه‌یکرده‌ مل به‌تاسه‌وه‌! نیشتمانی... بۆ سه‌ر گڵکۆی تاقانه‌که‌ی شۆڕه‌سواری! میداڵیک بوون بۆشانازیه‌کی یه‌کجاری! 2700/8/18 خۆڵاویه‌ ده‌سته‌کانی...! خۆڵاویتر لێوه‌کانی...! له‌ ئاسمانمی چاوه‌کانتا... گشت هه‌وره‌کانت له‌دار دان! رێژنه‌... خه‌شخاشکی روومه‌تتی نه‌ناسیبوو... پڕ ته‌مه‌نی پێکه‌نینێک! باڵای نه‌بووئاواته‌که‌ت! دڵداره‌که‌ت! ((له‌چکه‌یه‌ک بوو هه‌ڵواسراو)) ئێسته‌ بۆته‌ سێداره‌یه‌ک بۆسه‌ری ((شه‌یدا)) یه‌کی دی! ئه‌دی... هاوڕێ! پیته‌کانی زاری خۆتن... وشه‌و وشه‌... بوونه‌ زه‌نگی پێش قه‌تارێک! ((کاروان)) ((کار وان)) خۆڵاویه‌ ده‌سته‌کانی خۆڵاویتر لێوه‌کانی... له‌ ڕ- ێ- گ- ه‌ دا بێ پسانه‌وه‌... هه‌ق هه‌ق هه‌ق ته‌ق ته‌ق ته‌ق هرووژم و گڕو لرفه‌ سنووری گۆنای سووری تۆ! جادووی ڕه‌شی زه‌حاکتران! ئامێزی بۆ ده‌گرنه‌وه‌... ئه‌و سینگه‌ پڕ ئاواته‌کان! ماچیان پێ ئه‌دا! ماچ ،ماچ!!! ته‌ق ته‌ق ته‌ق! هه‌ق هه‌ق هه‌ق! تاوانی یه‌ک جار رامووسین! له‌ پشکووتێکی گوڵئاسا... جه‌غزێکی تا ئه‌به‌د سووره‌! - مه‌سیح به‌ خاچ پشت ئه‌ستووره‌!؟ پشتی ئه‌وان... جێی ماچی خاچ! سینگی ئێمه‌ش بۆ گوولله‌ خاچ!!! ته‌ق ته‌ق ته‌ق هه‌ق هه‌ق هه‌ق!!! سینگ وفیشه‌ک تێک هه‌ڵگلان! خاچ ئاڵایه‌ک بۆ گۆڕستان... - مه‌یتی چرکه‌ به‌سه‌ر شانی زه‌مانه‌وه‌! به‌ ته‌ڵقینی مامۆستایه‌ک - بۆ قه‌شه‌ فاتیحای ئه‌نارد: ((چرکه‌ی شه‌هید! تاقانه‌که‌ی خاتو سه‌عات)) بۆدرۆشمی سه‌ر گۆڕه‌که‌ی! خاچ یان تفه‌نگ! ناکرایه‌ جه‌نگ!!؟؟ ته‌ق ته‌ق ته‌ق هه‌ق هه‌ق هه‌ق گورگه‌ مێشه‌ هه‌واڵێکی به‌ سوار کاری پیره‌ شه‌ماڵ! ده‌هؤڵ کوتی ڕه‌هێڵه‌ چاوته‌ڕه‌کانی هه‌وه‌ساوی! په‌ر‌ژینی مه‌زرا ناناسن!! یاخوا هاوار... هه‌وری هه‌وه‌س له‌ ئاسمانه‌ چاو گه‌شه‌که‌ی به‌یتولحه‌رام میوانیکابه‌ توڵلایه‌.. ته‌ق ته‌ق ته‌ق هه‌ق هه‌ق هه‌ق - ئه‌بره‌هه‌ی ڕه‌شی فیله‌ سوار خوایان هاوار ! خۆت سازت کرد ته‌یارت کرد! به‌ر له‌ هه‌موو کوشت وکوشتار! له‌گه‌ڵ سه‌ری تۆ بوو نه‌یار! سوار کاری تف له‌ ماڵی دم را بۆ حه‌وا.. له‌ کوێوه‌ هات بۆ وێ ده‌ڕوا!!! پێچ وپه‌ناش بگرێته‌وه‌! رێشی خاوه‌ن ده‌گرێته‌وه‌! هه‌ق هه‌ق هه‌ق ته‌ق ته‌ق ته‌ق !!! - مه‌یتی ئه‌بره‌هه‌ گه‌ڕاوه‌ - تفی نێو زار قووت دراوه‌! - فیشه‌ک له‌ باوه‌ش ده‌راغا!  راوه‌ستاوه‌! ده‌سا تفه‌نگ؛ ته‌ق بێ ته‌قه‌! هه‌ق هه‌ر هه‌قه‌!!! 1379 ئه‌ی داره‌ داره‌... ئه‌ی داره‌ داره‌... مامه‌ چکۆله‌م تۆخوا دار داره‌!!! مامه‌ گیان هه‌سته‌و... به‌ لاقت بڕۆ... مامه‌ چکۆله‌... به‌ چه‌چت بخۆ!!! ده‌ی داره‌ داره‌! مامه‌ گیان داره‌و وا لێی ترساوین! مامه‌ گیان ڕووت و... خانه‌ ڕووخاوین... ده‌ک داره‌ داره‌!!! به‌به‌ چکۆڵه‌ برسی و هه‌ژارین! به‌به‌ چکۆڵه‌... بێ که‌س وکارین! به‌به‌ چکۆله‌... ئه‌ی داره‌ داره‌! به‌به‌ چکۆڵه تۆخوا دار داره! به‌به‌ گیان چاومان له‌له‌قی تۆیه‌... به‌به‌ گیان چاومان له‌ نازی تۆیه‌... ‌ئه‌ی داره‌ داره‌ ده‌ک داره‌ داره‌ به‌به‌ گیان ده‌ستت... ده‌ک پۆڵایین بێ! به‌به‌ گیان باڵات.. هه‌ر نازه‌نین بێ! ئه‌ت داره‌ داره‌! به‌به‌ له‌ سابڵاغ لانکت بۆ دێنم! به‌به‌ له‌ هه‌ولێر... ژنت بۆ دێنم! تۆ داره‌ داره‌!!! به‌به‌ قڕژاڵی چۆمی سیروانه‌! به‌به‌... نوشته‌که‌ی کاک عه‌لیخانه‌! به‌به‌ دارچین و میخه‌کی تازه‌! به‌به‌ بۆ تۆمان کرده‌ گه‌ڵوازه‌! سا داره‌ داره‌ ! تۆخوا دار داره‌! به‌به‌ی خوێن شیرین: قژکاڵی مامی! به‌به‌ی چاوڕه‌ش و لێو ئاڵی مامی: تۆخوا دار داره‌! به‌به‌ی گیان لاقت... تاکه‌ی ناگرێ؟ زه‌وی بێ هه‌ڵوێست! پاراو ناکرێ! سا داره‌ داره‌.. تۆ خوا دار داره‌! به‌به‌ ئاواتی! ئامان بۆ ناوت! ئاوات پێ بگره‌! به‌رز بێ ناوت... ئه‌ی داره‌ داره‌ ئه‌ی داره‌ داره‌! مامه‌ چکۆڵه‌م تۆخوا دار داره‌ تۆخوا دار داره‌... 1376 ئازیزه‌که‌... به‌ر له‌وه‌ی خاج! سینگی کیژۆڵێک ماج بکات! تارای سووری کیژی خۆر بێت! به‌ر له‌وه‌ی گڕ من له‌ ئه‌وین هاتمه‌ تکا! سوژده‌م دربرد به‌ره‌و ئاگر! ئه‌وتن نه‌کا مه‌نزلگه‌ت خنکاوی دڵ بێت؟ ئاگر تکا! ئه‌وین تکا! ئێسته‌ ئێمه‌ گڕ وئه‌وین... ئه‌وه‌ی نه‌ده‌بوایه‌ ئه‌وین...! سووژده‌ده‌به‌م بۆ هه‌ر لایه‌! سوژده‌ده‌به‌م بۆ هه‌ر خوایه‌! بڵێسه‌و ئاوری هیچ گڕێ... تینی نایه‌...! پیڵووی چاوم داده‌ پۆشێ تارای رووسووری ئاگردان! به‌رد وداری کۆشکی هیوام بۆته‌چوار قولینچکی زیندان! نامسووتێنێ بلێسه‌ی گڕ! من ده‌ی سووتێنم به‌ ئاگر! نایه‌ به‌ره‌و خۆزیام هیوا! من وه‌دوای که‌وتووم ... به‌ره‌و دوا! پڕ به‌ گه‌رووی چه‌رچی شه‌ماڵ ناژی به‌هار! سێبه‌ری ژین... ناگاته‌ سه‌ر داری چنار! حیله‌ حیله‌ ... حیله‌ حیلک... له‌ پێخه‌فی شینی ئاسمان! ده‌ریان ده‌کرد... هه‌وری لاوی دڵ به‌گریان... ڕه‌ش پۆش ده‌بوون... دایکی ویژدان... به‌چه‌مه‌ر چۆپی و ره‌شبه‌ڵه‌ک ده‌چوونه‌سه‌ر ته‌رمی سووری کاوه‌ی کوڕیان...! ده‌بوه‌ گریان! ده‌بوه‌ باران! --- ئه‌وه‌ی باڵای ده‌کرد! ریش بوو... گیا که‌ڵه‌ی نزم و قامیش بووو! نه‌ پاییز دیار بوو... نه‌ به‌هار! به‌ده‌گمه‌ن هه‌ی بوو! گه‌ڵا... دار! کۆشی پڕ له‌ به‌فری زستان دوژمن بوو ده‌گه‌ڵ رێبه‌ندان ره‌ش سوار مان. به‌چکه‌ شێرن!؟ ته‌نیا تابووتن... بوێرن...؟؟ ئاوانه‌ی... ئێستاکه‌ مه‌ردن هه‌زار ساڵ له‌مه‌و به‌ر بردن! ئاوات: سه‌وه‌ڕی ئه‌سپی بریایه‌! خه‌یاڵ: رکێفی سواری ده‌ریایه‌! به‌یان رۆژ قه‌ده‌غه‌یه‌ دیواری ناو کووچه‌و شه‌قام ده‌فته‌ره‌و لێنووسی مه‌یه‌! شه‌ڕی زمان وشمشێره‌! زاماره‌ ئه‌وه‌ی بوێره‌! خه‌ڵکینه‌ های... بانگه‌وازێک... هاوارێ له‌گه‌روودا خینکا... ره‌حمه‌تی خودا له‌وه‌بی! تێکڕ بچنه‌ سه‌ر گۆڕستان! ده‌با بینێژین هه‌موومان! ئه‌و هاواره‌ی وا جوانه‌مه‌رگ! خه‌ڵکینه‌: له‌ماڵ وه‌رنه‌ده‌ر! به‌ گاورکێ دانوێنن سه‌ر نه‌کا باڵاو به‌رزتر بێ له‌ مامۆستا! خه‌ڵکینه‌: بگه‌نه‌ فریا... هاوار... هاوار... خینکا! خینکا! سه‌ڵا له‌ مه‌ ((هاوار نێژان)) هاواره‌که‌ی ناو گه‌رووتان! سه‌ڵا له ‌وه‌ پێ بکه‌نن! ناشتنی ئه‌م هاواره‌ی وا! له‌ قوڕگی گشتمانا! وێستا! پێبکه‌نن! قاقا... قا... قا... سه‌ڵا له‌ه‌ ئه‌وکه‌سانه‌ی... جه‌رگی نه‌یتان هه‌ڵۆڵ ده‌کرد! سه‌ڵا له‌وه‌... ئه‌و که‌سانه‌ی... له‌ کووله‌که‌ی ته‌ڕی ته‌ڕ دا! بانگو ئه‌دا! سه‌ڵا... سه‌ڵا... ده‌ی کوژن!! پێمان ده‌نێژن... ده‌یڕێژن پێمان ده‌جێژن... هه‌ڵی داوێن؟ ده‌یگرنه‌وه‌! ده‌ری ده‌که‌ن؟ ده‌ی هێننه‌وه‌! سه‌ڵا له‌وه‌! به‌ خوێنی ره‌زان! مه‌ست ئه‌بن! به‌ ناڵه‌ی نه‌ی بێهه‌ست ئه‌بن! به‌ ده‌هؤل وده‌ف وزوڕنا... دێنه‌ سه‌ما سه‌ڵا له‌وه‌ سه‌ڵا... سه‌ڵا... خوری گیانه‌وه‌رێکی بێ ئازار... هه‌ڵ ده‌پێچن! ده‌یکه‌ن به‌ڕیس... کێژی ئه‌ده‌ن دوایه‌ گوریس! ره‌نگی ده‌که‌ون و، ده‌یڕێسن! به‌ر له‌ هه‌مو کارێکی تر! له‌ ده‌ست وباڵی ساویلکه‌ی! کۆرپه‌ی خۆتانی ده‌پێچن! خه‌ڵکینه‌ های:!!! لێم کۆوه‌بن! ئه‌میش چیدی هه‌را ناکه‌م! تاز... ((کای کۆن به‌با ناکه‌م)) هه‌بوو نه‌بوو... ده‌گێڕنه‌وه‌ رۆژگاری زوو... مریشکه‌ قوڵێک! وه‌ڕی که‌وت بۆشاری شوو... بۆی چوونه‌ جێژوان بوونه‌وه‌ر! لێی ده‌پرسین؟ یه‌ک یه‌ک دوو دوو! ((به‌کام خۆراک! به‌خێومه‌که‌ن؟ باکامه‌ داحبا لێم ئه‌ده‌ن؟! مریشکه‌ قوڵه‌! چه‌ند رۆژ دوایی... بوو به‌هاسه‌ری ئه‌به‌دی مشکێ بێ خانووچکه‌ی چیای! خه‌ڵکینه‌ های... مریشکه‌ قوڵ وه‌ڕێ که‌وت! له‌نێو گیانداران تێ که‌وت! وه‌لای نا... چی به‌کار نه‌هات! هه‌ڵی بژارد... هه‌ڵی بژارد... خه‌ڵکینه‌ های!؟ ده‌ست ببزێوین! چناره‌کان هه‌ڵپه‌رتێوین! بدرووینه‌وه‌ گیاو گژی نزمی بێکاره‌! بکێڵین هه‌رچی به‌یاره‌! پڕ به‌باڵامان ڕاوه‌ستین! ئه‌ستێری هه‌تاو هه‌ڵبه‌ستین! به‌یان و رۆژ به‌رهه‌ممان بێ! نه‌ک له‌ جێژوان یشه‌وی تار!1 ژوانی شمشێر و سه‌رمان بێ!! ساڵی1379ی هه‌تاوی (---) جگه‌ره‌! ئای... هه‌ڵیان پێچای ده‌سته‌کانم! نه‌بووم! خۆم! که‌! لێیان دای مژ! لێوه‌کانم! خۆ! نه‌بووم! که‌! ئای! جگه‌رۆ...! هه‌ڵپێچرای! نه‌م بوو خه‌تا! سازیان کردی! بسووتێی! تا! ده‌سته‌کانم! تۆ! خوا گیان ! ئه‌من! ئه‌ی رۆ!!! جگه‌ر: ئای ڕۆ! ئای جگه‌ر رۆ!! 79/9/3 (---) بشۆره‌وه‌... ده‌سته‌کانت... ده‌توانی تا! دێ له‌و به‌هاره‌ی پاش خه‌زان! چرۆ واده‌ی چه‌ند مانگی تر! سست!... سست...! ناکا! گه‌ڵا دووخه‌و ببێ!!! 1379/9/3 (---) شریخه‌ی هات... گووله‌ی چه‌کێ... دڵی ئه‌وین که‌ راخوشی! سوارێ گلاو! شین که‌ ئه‌بوو! گوڵاڵه‌یه‌ک... سوور بوو گۆنای! به‌ئاڵی خوێنی شه‌هیدێک! له‌مه‌دره‌سه‌ قوتابیه‌ک! به‌ گه‌چی سوور فێریان ئه‌کرد ((بابا ئاب داد)) 1379/10/14 (؟ ؟ ؟) خوا: ئه‌ی خوای شه‌یتان! بگرم... ده‌ستت؟! یان هی ئه‌میان!؟ ...به‌ندی به‌هه‌شت بم! یان ئازاد؟ ...ئازاد، شه‌یتان ئه‌وێت منی! یان تۆ ئازاد! ...ئه‌ی وێت شه‌یتان!؟ ...ئه‌ی داد بێ داد! ...به‌سه‌رتان، رۆ تانه‌خاوه‌! بخێنه‌ رۆ... ...خانووچکه‌که‌ت! ...نه‌! تا مردووی مرێنه‌ ئه‌و دڵه‌ی ...که‌ بووی ...ها... قه‌بر تا نه‌ی خواردووی! برۆره‌ ...ئه‌و جێگه‌ی نه‌بووی! ...شه‌یتان هه‌تا! زه‌وی نه‌کرده‌ هی ده‌خۆی!!! ...نه‌کا نه‌رۆی! --- نه‌چی! نه‌چی. --- ...جیهانه‌، ئه‌م بن وسه‌ره‌ بن له‌سه‌ره‌! ...سه‌ر له‌بنه‌! ...نۆژه‌، که‌ ئه‌م به‌ستوه‌دات هه‌ر ...ژه‌مه‌ پێنج! ...دووره‌؟ خودا ئه‌می وونه‌! هاکا وتی!!! ...نه‌ک بۆ منه‌! ...بۆ ئه‌مه‌ی کرد ئازادمنی! خاوه‌نی سێو... گه‌نم! ...خه‌نی! ...خاوه‌نێ له‌خاوه‌ن خه‌نی له‌گه‌ڵ ئه‌وا!!! ...خۆت دوژمنی! ...منی دژ خۆت! خۆت! دژ ...منی بۆ من: ئه‌من!؟ ...بۆ ئه‌من! من! ناگرێته‌ خۆ؟ ئاخۆ! من! من! یان ...ئه‌من!تۆ؟ ...ئامن: تۆ! ئه‌و: ئێمه ...ئه‌ی خوا! ‌...ئه‌ی خوای ئێمه‌: ئه‌ی ئێمه‌ی! ...خوا ...ترس نا لێتم! لێتم ترس! ...نا..، یه‌ک تۆ له‌دژمن!!! منێک له‌دژ تۆ ((یه‌ک دوو ده‌ترسم!)) + - + _ + - یه‌ک یه‌ک له‌ دژمان! دژ له‌ یه‌کمان دوو دوو نه ‌مان! مان نه‌ دوو ماندووم ئه‌من! ئه‌ی ئه‌من یه‌ک مانی! مان. من! خۆم: خۆ! لا! خووڵا! ئه‌من: ئه‌+من ئه- لا= ئه‌ڵڵا!!! (---) هه‌ته‌ر... تا چاو ده‌کا!!! ته‌پ ومژ هه‌ر... تۆش: بایه‌ قووش: بۆ هه‌ڵورین... که‌لاوه‌یه‌ک شک نایه‌ پێت!؟ (---) زایه‌ڵه‌ت ئای! له‌ سایه‌ ها! هوێ بگره‌ ! وه‌ره‌؛ زایه‌ڵه‌ی ئه‌م کۆتره‌ ده‌خینکێ! له‌ رووباری پیس دا! جزرکه‌ی ئاشتی : (ئاته‌شه‌)! نابیسرێ ((نا))! ئه‌دا قووتی ئه‌م هاواره‌! گوێچکه‌کانی! - تیمساح ئاسا! ئه‌گریا چاو! ((Peace))ه‌ ئه‌و رووباره‌! روو پیس! کۆتایی هات! بێ کۆتایی! گڕ!؟ گڕ!؟ گڕ!؟ بۆ سووری ته‌مه‌نی مردوو! دلۆپێک! فرمێسکی گه‌رم! (---) هێور ئاشنا! نه‌درکێ لێت !!! لێوه‌کانت...! نازانن با ئه‌ستێره‌کان! به‌مانی ئه‌م تاریکه‌ ژوانه‌! ئاشنا نیسێ رۆشن نه‌بێ لێت! شۆقی چاوانت ئاشنا ئه‌ی ژین!؟ گیانی شیرینم: سڵامه‌ت چاوت چاوی فه‌رهادت! (---) کڕ ده‌به‌م نۆش! کڕ نۆش ده‌به‌م دێته‌ له‌ زارما یه‌ک دوان! دێته‌! له‌چاوما دوو روان نایه‌ته‌ هیچ ده‌نگێک ژوان! خۆ! یه‌ک له‌ چاوم دا خه‌یاڵ دا! یه‌ک مه‌که‌ی ئا خۆ! له‌ماڵ باڵای له‌ چاوما په‌ پووله‌ باڵای باڵات: ئاخ په‌کوو له‌؟... ته‌ گوڵ تۆ نه‌ت وێ به‌پووله‌ ده‌ئاگر! نه‌ت وێ په‌پووله‌ خۆیه‌ک ساز ده‌که‌م ئه‌من دا بێته‌وه‌! گشت به‌یانیه‌ک دا! په‌رێ بکا پرچه‌که‌ی شان ئه‌و جێگه‌ی! ئێمه‌،تا تێیاین هه‌ ده‌ستێ به‌ برچی تاو ده‌گرم هه‌ ده‌گرێ! تا ده‌ستم ده‌فڕم هه‌ لێوم تا ده‌کا مژین خۆ له باوه‌شی دا ئه‌وین ‌

کتێبی تراژیگیای بێ کۆتایی

ناو: تراژیدیای بێ کۆتایی شاعیر: سیابه‌خت (سوله‌یمان ئه‌حمه‌دزاده‌) بڵاوکه‌ره‌وه‌: شاعیر چاپی یه‌که‌م:1380 هه‌تاوی 2700کوردی 100لاپه‌ڕه‌ ئه‌ژمار 1000دانه‌ رووبه‌رگ: شۆڕش ئاهی رازاندنه‌وه‌و لۆگۆ: ئاسۆ مامزاده‌ پیتچن:سیابه‌خت:04826251232 [e-mail] نرخ: 450 تمه‌ن ISBN 964-364-036-1 شابک 964-364-036-1 آدرس مرکز پخش: تهران خیابان طالقانی-نبش ملک الشعرای بهار ساخرمان ایران بک- طبقه‌ سوم – نشر عابدتلفن 8812677-8 ادرس پستی:تهران – صندوق پستی 876- 14455 پێشکه‌ش بێ به‌: ئه‌و دایکه‌ی له‌ جیاتی شیر ئه‌شکی پێ دام. واسه‌حه‌ره‌ هێشتاکه‌ خه‌و له‌ چاوانم نه‌نیشتوه‌و گه‌لی براده‌رینه‌... ئه‌وی خوێنێ که‌ ده‌چکێ لێم خوێنی شه‌وی ڕابردوومه‌ له‌وه‌ێ کۆنه‌ دنیایه‌... که‌سێک نه‌بوو؟... گه‌لێک نه‌بوو... ناڵه‌ی منی بگاته‌ گوێ! دڵی خۆمی بنێرمه‌ لا، رازو سۆزی بۆ هه‌ڵرێژم! هه‌رچیه‌کم له‌ سینگ ناوه‌! هه‌ مووی بڵێم! هه‌مووی بێژم! وه‌ی لێ... سه‌حه‌ره‌!!! نێو دێ پڕ بوو له‌ خامۆشی چرای تاقه‌ ماڵێک جار له‌گه‌ڵ جار چاکتر ده‌دره‌وشایه‌وه‌. شه‌و ڕاشکاو به‌یانی هات! هه‌واڵی له‌دایک بوونی مناڵێ که‌ مامانه‌که‌ی هه‌ر ئه‌و شه‌وه‌ به‌نێو حه‌وت پشت له‌مه‌وبه‌ری خۆی کردبوو! ده‌نگی دایه‌وه‌. کاروانی چرکه‌ ده‌ئه‌ژوا، مناڵ، کڕووزایه‌وه‌! ئه‌مجار ده‌بوو ڕۆژووی بکڕێته‌وه‌: بۆ ئه‌وه‌ی نه‌بێته‌ برای که‌س هیچ دایکێک مه‌مکی نه‌نایه‌ سه‌ر زاری، به‌ڵام مناڵه‌که‌ش له‌وان جه‌سوورتر! هیچیان به‌ دایکایه‌تی وه‌ر ناگرێ! ته‌نێ که‌سێک نه‌بێ ئه‌ویش دایکی. مه‌خابن ئه‌وه‌ش ماوه‌یه‌ک بوو!ئه‌وجار ئیدی دایک به‌ په‌رۆشیه‌وه‌ نه‌ی ده‌توانی چی دی مه‌مک بنێته‌ سه‌ر زاری تاقانه‌که‌ی و، ئازار هه‌ر دووک مه‌مکه‌کانی داگرتبوو! دووباره‌ هاتووهاواری نێو دێ! به‌شکم هاتوو که‌سێک په‌یدا ببێ! که‌چی، نه‌بوو نه‌بوو ، هه‌ر نه‌بوو... پاییزه‌ پڕ ئازاره‌که‌ی 1360ی هه‌تاوی به‌ هیواو ئاواتێکی زۆره‌وه‌ له‌ حالێکدا به‌ته‌مه‌ن ساڵێک نه‌بوو! ناسنامه‌یان به‌ سێ شال بۆ وه‌رگرت! ته‌مه‌ن پێنج به‌ناسنامه‌ شه‌ش نرایه‌ به‌ر خوێندن. پیته‌کانی ئه‌لف وبێ تامی قسه‌ گه‌رم و گووڕه‌کانی مناڵانی هاوڕێی نه‌بوو! چاکیشی ده‌زانێ ئاو به‌ (آب) ئه‌نووسرێ! به‌ڵام (آب) نا به‌ئاوو... خوێندن له‌ ناوچه‌ی مه‌نگووڕایه‌تی مه‌هابادو ئاواره بوون و هه‌ڵاتن له‌ گه‌ڵ کۆچ بۆ بۆکان کۆتایی پێ نه‌هات. ژیانی ئارام و هه‌تا ڕاده‌یه‌ک دوور له‌ قاڵ وبگری بۆکان هه‌ر وه‌ها جیای له‌ دایک و باب هانده‌رێک بوون بۆ ئه‌ویندار بوون به‌ ئه‌وینێکی هه‌میشه‌یی ودایکی مه‌زنی نیشتیمان. هۆنراوه‌کانت سیابه‌خت: '' من وده‌ماوه‌ند شه‌رتێکمان کرده‌ن ئه‌و ته‌م ومن خه‌م تاوه‌رۆی مرده‌ن'' کۆرپه‌که‌ خۆم بووم و مه‌هاباتیش شوێنی لا دایک بوونم! هه‌تا ئێسته‌ش جێگه‌ی ژیانم نازانم! ووڵاته‌که‌شم کوردوستان ی (ایران) هه‌ڵسه‌نگاندن با له‌سه‌ر خۆتان بێ! تراژیدیا! ژان و فرمێسکی ته‌مه‌نێک مردن وته‌مه‌نێک ژیان! پێشکه‌ش بێ به‌: - فرمێسکی هه‌ژارانه‌ی مناڵانی هاوڕێی ئاواره‌ییم. - به‌ په‌بووله‌یه‌ک (که‌) فڕی به‌ باڵی سه‌وزوو سووره‌وه‌. - ئه‌و که‌سانه‌ی که‌ پێوه‌م ماندوو بوون. e هه‌ر بژین – سوله‌یمان ئه‌حمه‌دزاده‌ 1380/1/10 نازانم بڵێم چیه‌ک...! باکارمان به‌وه‌ نه‌دابێ یه‌که‌م شێعر باوه‌ ئاده‌م له‌ شینگێڕی هابێل دا وتوویه‌!؟ یان دا یه‌ حه‌وا به‌ده‌م لای لایه‌وه‌ به‌ گوێی قابیلی داداوه‌! ره‌نگه‌ یه‌که‌م گازه‌کانی ئاده‌م له‌ ته‌ک کردگارا شاعیرانه‌ بووبێ که‌ وا هه‌ زوو خۆشه‌ویستی جلی ژاناوی هه‌ست وئاوه‌زی به‌به‌ژنی بوونی ئینسان بڕی. ئه‌م ڕۆ که‌ شێوازه‌ ئه‌ده‌بیه‌کان فره‌ن وباس و خواسی جیهانی بوونی ئه‌ده‌ب له‌ ئارا دایه‌ ره‌خنه‌ گرێک وتوویه‌ (( ئێمه‌ به‌ڕاده‌ی دانه‌ دانه‌ی ئه‌و نووسه‌رو شاعیرانه‌ی که‌ ده‌نگێکی سه‌ر به‌خۆیان هه‌یه‌ ئه‌توانین شێوازی ئه‌ده‌بیمان هه‌بێ)) ئه‌ویش لاکاتێک دا هه‌ر سه‌بکێ دۆینێ نوێ بووبێ ئه‌مڕۆ کۆنه‌! به‌م پێودانه‌ نابێ زۆر به‌ته‌نگی سه‌بک و مه‌بکه‌وه‌ بین و له‌ ته‌شقی ساکاریا دڵ هه‌رچی ده‌ڵێ بابیڵێ. له‌وش گه‌رێین جارووبار گێژه‌ڵووکه‌ی بیری ئینسان به‌ هه‌وای گۆڕانکاریه‌وه‌ له‌ قه‌واره‌ی پۆست مۆدێرنیزم و شتی وادا بووکی نه‌به‌دی داده‌به‌زێنێ و له‌ داخی بێسه‌ره‌و به‌ری زه‌مانه‌ ''بێ مانایی'' ده‌کاته‌ دژ کرده‌وه‌ی به‌ر‌ه‌نگاری! بۆ خۆ پاراستن له‌ خۆ پاته‌ کردنه‌وه‌و دووپاته‌ بوونه‌وه‌ش هه‌وڵی داهێنه‌رانه‌ پیرۆزه‌! به‌ڵآم ده‌بێ بۆ هه‌رچه‌شنه‌ نه‌ریت شکێنیه‌ک گه‌ڵاله‌ی شکۆمه‌ند تر مان پێ بێ. رووخاندنێک جێگای رێزه‌ که‌له‌گه‌ڵ درووست کردنه‌وه‌دابێ نه‌وه‌کوو وێرانه‌ له‌ پاس زۆی به‌جێ بێڵێ! پێش شۆڕش مامۆسرایه‌کی قوتابخانه‌ هاتبۆ ئاواییه‌که‌مان باوکم له‌گه‌لی ده‌بێته‌ دۆست.ده‌ڕوانێ هێشتا ره‌به‌نه‌ و ته‌مه‌نیشی گه‌ڕاوه‌ته‌وه- له‌گه‌ڵ ئه‌وه‌ گه‌لێک موشکیل په‌سه‌نیش بوه‌!- زۆر هانی ئه‌داله‌ کچانی ئاوایی یه‌کێ هه‌ڵبژێرێ بچن داوای بۆبکه‌ن به‌شکوو داوی دامه‌زرێ! پێمل نابێ وده‌ڵێ: هیچ کامیانی به‌ته‌نێ به‌دڵ نیه‌! به‌ڵام ئه‌گه‌ر چاووبرۆی خه‌جێ شه‌ل به‌ قه‌دوباڵای کچه‌که‌ی کوێخاوه‌ بایه‌ له‌گه‌ڵ له‌نجه‌و لاره‌که‌ی سه‌یزاده‌و ئاوو ڕه‌نگی که‌نیشکی مه‌لاو مه‌تانه‌تی کیژی ئاغا له‌سه‌ر یه‌ک پێکه‌وه‌ ده‌بوونه‌ شتێک! - بێتوو رۆژێ ته‌واوی خاڵه‌ ئینسانیه‌کانی خه‌ڵکی سه‌ر زه‌ویله‌یه‌ک درین وئاوێته‌ بن له‌ سایه‌ی زانستی ژنێتیکی ئه‌ده‌بی دا ره‌نگه‌ ئو ئه‌ده‌به‌ جیهانیه‌ی ئه‌مڕۆ باسی لێ ده‌که‌ن به‌ کرده‌وه‌ بسه‌لمێ. و له‌و تێک هه‌ڵشێلانانه‌ دایه‌ هه‌ویری هه‌وڵه‌کان نانی گیانی لێ دێ. ((قه‌ڵه‌م+ خوێن=شێعر و ژیان)) شتێکی ئاشکرایه‌ هیچ گه‌لێکی دنیا به‌قه‌د ئێمه‌ ژیانی له‌ که‌ژاوه‌ی ژانا رانه‌ژاوه‌. که‌سایه‌تیه‌ کارێزمایه‌کانی ئێمه‌ هه‌موو به‌سواری وشتره‌وه‌ له‌ کوونی ده‌رزیه‌وه‌ ره‌ت ده‌بن، فریا که‌وین خۆمان بنووسینه‌وه‌ شاکاری گه‌وره‌ ده‌خوڵقێنین . شێعری(( سیابه‌ختی)) مه‌ له‌ (تراژیدای بێ کۆتایی) دا لاپه‌ڕه‌یه‌کی نوێ له‌ ده‌فته‌ری شێعری به‌ره‌ی دووهه‌می شاعیره‌ ئازاده‌کانمان هه‌ڵده‌داته‌وه‌ که‌ زمانی ده‌ربڕینیان له‌ جاو نۆبه‌ره‌ی هه‌وه‌ڵ هه‌ندێ جیاوازه‌. جاری وایه‌ هۆنراوه‌کانی به‌ئانقه‌ست رێزمان تێک ده‌شکێنێ تا ڕه‌مزێک له‌ دڵ گه‌وره‌یی ره‌سه‌نایه‌تی زمانی کوردی بێ. ئه‌گه‌ر جارو بارێک ئاژوانێکی ئه‌ده‌بی شوێنی له‌سه‌ر دانابێ دڵنیام چۆن شاعیر له‌ سه‌ره‌تاوه‌ رێگه‌ی خۆی دۆزیوه‌ته‌وه‌ ئه‌و رچه‌ تاقی کردنه‌وانه‌ سه‌ری لێ نا شێوێنێ. به‌یانێ سه‌ر که‌وتوه‌ خۆمانه‌ بێ. به‌ کورت و کرمانجی وه‌بیری خۆمان بهێنێته‌وه‌. ل50 ((مناڵیم دایکی پیریمه‌)) ل60 (شه‌وی هه‌ینی) ل58 ( خۆڵاویه‌ ده‌سته‌کانی) بڕوانن له‌ سه‌ر ده‌قێکی کۆن چ لێزانانه‌ به‌رامه‌ی هزرێکی تازه‌ له‌ به‌ رۆکی ئاوه‌زمان ئه‌پژێنێ. ئه‌ی داره ئه‌ی داره‌ داره‌‌ داره‌ مامه‌ چکۆله‌م تۆ خوا دار داره‌ به‌به‌ له‌ سابڵاخ لانکت بۆ دێنم به‌به‌ له‌ هه‌ولێر ژنت بۆ دێنم! تۆ داره‌ داره‌... خوێنه‌ری خۆشه‌ویست: دڵنیام له‌ کاتی خوێندنه‌وه‌ی(تراژیدای بێ کۆتایی) دا ده‌ره‌نج ئه‌ده‌ی به‌ زۆر لایه‌نی دیکه‌ی شێعره‌کانی کاک ((سیابه‌خت)) تکات لێ ده‌که‌م! بۆ چوونه‌کانت ئازا بنووسه‌وه‌ ئه‌گه‌ر له‌ گه‌ڵ روانگه‌ی من دا جیاوازیان بوو دڵنیا به‌ من تێنه‌گه‌ یشتووم. دڵ گه‌ش بن - بۆران ‌ ‌‌ (...) له‌ منداڵی به‌ڕه‌وه‌وه‌ی داری به‌ڕوو پێ ڕۆکه‌بووم! به‌روه‌ چیا! به‌ره‌و ناخی زه‌وینی خوێن! به‌ قوونه‌ خشکه‌ هه‌ڵ ده‌چووم! وێردی سه‌ر زمانی لاڵم! تاقه‌ قسه‌ی گڕووگاڵم! دار به‌ڕووی چیای بژوێن بوو!! تاقه‌ شتی کاتی کایه‌م: گۆچان به‌ڕووی باپیره‌م بوو! ئێسته‌ به‌ڕوو! به‌ ڕق داچوو! تیری تیژی لێ ئه‌تاشن! له‌ناخی جه‌رگم کار ده‌کاو! مه‌لی هیوامی له‌ سنوور! کۆتری ئه‌وینی رێگه‌ دوور! گێڕاوه‌ لام به‌باڵی سوور!! 1377 (...) هۆ باده‌ نؤش! هۆ باده‌ نۆش! باده‌ی گه‌رم شه‌ڕاوی خه‌ست! له‌ پیاڵه‌ی سپی بێ خه‌وش! به‌کام ئاوێکی پاک ده‌شۆن؟! مه‌گه‌ر مه‌یتی سوور خه‌ڵاتێ شه‌هیدی ژین! له‌ هۆمایلێکی گه‌رد نه‌دیو! هیچ چاوه‌ڕوانی شووشتنه‌! مه‌گه‌ر رژانی خوێنی گه‌ش له‌سه‌ر ئاڵای که‌سک و سووری سه‌ر مه‌زاری گۆڕ غه‌ریبێک موحتاجی چیرۆک بێژتنه‌!؟ هۆ باده‌ نۆش: هۆ باده‌ نؤش: بێژه‌...! بێژه‌..! چاوو دڵ روون به‌ ئه‌شکی چاو! به‌خوێنی ذڵ! کاتێ هه‌زاران قاره‌مان بێ مه‌ترسی! له‌و شه‌ڕاو ده‌خواته‌وه‌! کوڕه‌ شه‌هیدێکیش ده‌بێ! به‌ ئاوی چاو! به‌ خوێنی سوور! پیاڵه‌ی سپی باوسه‌ گه‌وره‌ی... بشواته‌وه‌!! 1378 (---) کاتێ شێعر: کاتێ وشه به‌ رێژنه‌! داده‌ بارێنه‌ سه‌ر قاقه‌زێ! هێلانه‌ی دڵ ئاوه‌ڵایه‌و… له‌ سه‌ر هه‌موان کورک ده‌بێ! هه‌تا رۆژێک … سه‌ر له‌ هێلکه‌ ئه‌ هێننه‌ ده‌ر!!! 1377 ‌(---) کاتێ هه‌تاو! رووووگرژ ئه‌کاو! کاتێکیش مانگ! دائه‌ گیرسێ: وێنه‌ی خاتوونێکی ره‌شپۆش… ده‌سووتێنن!!! له‌ پشت نه‌رده‌ی زیندانه‌کان…! 1377 (---) کاتێ ته‌رزه‌! روومه‌تی سووری خه‌شخاشک، پاش رامووسانێک! گرژ ئه‌کا! ئیدی نه‌ته‌رزه‌ هه‌ڤاله‌و! نه‌ گوڵ، بۆنی پێوه‌ ده‌کا! 1377 (---) کاتێ که‌ خۆر چاوی هه‌ڵگڕت! بۆبه‌یانی بووکی سه‌حه‌ر! ئه‌ستێره‌ کان، به‌ قاو وقیژ هه‌ڵده‌هاتن! به‌ره‌و تاریکی راده‌خوشان ئه‌ی کێ ئه‌ڵێ؟ هه‌ساره‌و رۆژ… دووهه‌ڤاڵن ده‌سته‌ملان!! 1377 (---) کاتێ له‌ بۆم! زێڕوه‌شانی زه‌رده‌ خه‌نه‌ی، بووکی ئازار! هه‌گبه‌ی خه‌فه‌ت! لێوڕێژ ده‌کا! بێ ئیختیار؛ هه‌نبانه‌ی له‌کۆڵم ده‌نێم! له‌ ژێر دوودانه‌ تاشه‌به‌رد! دای ئه‌ پۆشم به‌و هیوایه ی‌: ((خیز گوڵ بکا)) 1377 (---) که‌ گڵۆپی سووری ته‌مه‌ن! فووی لێ کرا له‌ ژێر تاشه‌ به‌ردی کێلی گڵکۆم؛ دووکیژم دین... دڵۆپ دڵۆپ فرێسکی گه‌ش! له‌ چاوی ره‌شیان داتکا! پاش تاریکان! چوار ئه‌شک بوو.. تیشکی ئه‌داو! ئه‌بوه‌ چرا!!! 1377 (---) له‌ داوێنی گوڵێکه‌وه‌! گه‌ر بڕوانی: به‌رزایی و دووندی چیایه‌. له‌ ئاسمانی دڵێکه‌وه‌ که‌ بڕوانی: ئازاد ی و تیشکی وه‌فایه‌. له‌ چاوانی برسی من دا! که‌ ورد بێوه‌: ته‌نیاو ته‌نیا! دیمه‌نێکی بێ بارانه‌! لاناو قاقڕی ته‌نیاییمدا! تابڵۆیه‌کی ره‌شی ڕه‌شی بیابانی و هه‌ڵقرچاوی مه‌رگه‌ساتی به‌هارانه‌!! 1377 (---) دنیا ته‌نگه‌و! زیندانی ذڵ، به‌ر ته‌سک تر! ئه‌وه‌ی که‌من ئازار ئه‌دا! قه‌فه‌زی ته‌نگی که‌وبازه‌! مه‌ل سه‌ر چیای لا گرینگه‌! با ده‌رک وبانی زێڕیش بێ!!! 1377 (---) ده‌گێڕنه‌وه‌: له‌ وڵاتێک شێخێکی پیری هه‌ژاریان، به‌ تاوانی خوا په‌ر‌ه‌ستی! ئه‌برده‌ به‌ر پێی ‌سێداره‌! پاش خنکانی ئه‌م شێخه‌ بێ ئازاره‌! دارتاشێک به‌ چه‌کوش وبزمار! گورجێ ‌هات و لانکۆڵه‌یه‌کی چێ ئه‌کرد! بۆ مناڵێکی ئاواره‌! 1377 (---) قه‌یرێک هاتوو... قه‌یرێکیش چوو.. ووڵات هه‌رمات وئارام بوو، پاش هه‌ڵدانی چرپێکی تر! کازیوه‌ ئه‌یناشت... ته‌رمی گڕ... 1377 دڵ؛ هه‌ر سیا! چاو، هه‌ر سیا! گوڵ هه‌ر سیا! دڵ وگوڵ وچاو وچیا! هه‌ر چواریان (( سوور)) له‌سه‌ر بڕوا به‌دوای برۆ وچاوی سیا!!! ----- ئاسمان: بێکار! زه‌وی: به‌یار! چه‌پکێکی گوڵ له‌سه‌ر مه‌زار!!! دوو کیژ له‌ سه‌ر گۆڕێ غه‌ریب، به‌ دڵ شادو چاو ئه‌شک بار!!! ----- پێچ پێچ وخوار! پۆڵای دیوار! پڕ جند ومار! قوتابیخانه‌ی مرۆیه‌ک، پاش تاریکان ئه‌ی ده‌ن له‌ دار!!! --------- 1377 (---) من!؟ تۆ! تۆ شه‌هیدێ به‌ کفنی ئاڵ! منیش! منیش گۆڕه‌پان بۆ شه‌ڕت! چیها تاڵه‌! چیها ڕه‌شه‌! کاتێ خاوه‌ن! ئه‌و گۆڕه‌ پانه‌ ته‌ڕ بکاو! سوارێ گلاو له‌ ئه‌سپی خوێن! به‌ هاتوو هاوار بچته‌ خوار!!! 1378 (---) به‌ کام لاوک دڵم خۆش که‌م! به‌ وایلۆکی هه‌ڵقرچاوی، گه‌رووی کام ڕێبواری برسی؟ به‌ هانکه‌ی کام کرێکاری هه‌گبه‌ له‌شان! به‌ کام خه‌نده‌!؟ به‌ کام گر‌یان!؟ خۆ ناهێڵێ له‌ خه‌ویشا یادت بکه‌م! ئه‌و ئاواته‌ی پێی نه‌ گه‌ییم! ((له‌ من ناگه‌ڕێ فکری نان)) 1378 (---) وه‌ره‌ مه‌ڕۆ!! هۆ باڵا به‌رز:! بالات به‌رز به‌ به‌رزایی! دیواره‌که‌ی به‌ندیخانه‌ی وڵاتی من! وه‌ره‌ مه‌ڕۆ! من ئه‌شکبار!! تۆش بێ قه‌رار! ئا له‌و کێشه‌ی ده‌ورانه‌دا منم به‌ندی و ئه‌تۆ رزگار...! 1378 (---) ئه‌وه‌ سووری هه‌ڵاڵه‌یه‌!؟ که‌ ئه‌ی بینم! یان ئه‌شکی خوێن!؟ شیناوه‌ردی به‌هارانه‌! یان شه‌خته‌ لێدراوی پاییز!؟ ئه‌و بۆران وهه‌وره‌ گرمه‌! ئاوسی بارانێکه‌ ئاخۆ؟ یان گریانه‌!؟ ... من ده‌زانم: ئه‌شکیش نه‌بێ! ((ته‌رزه‌ باران)) تریشقه‌یه‌ بۆ گوڵستان! هه‌ر سووتانه‌! هه‌ر سووتانه!‌ هه‌ر سووتانه‌! 1379 (---) له‌سه‌ره‌خۆ... پێ ده‌که‌نی ئه‌یوت مێژوو... به‌ ئه‌شکی چاوه‌کانی ئاشقه‌ ڕووته‌ی! وه‌کوو فه‌رهاد! به‌ ده‌سماڵی یای خه‌چ و زین پۆشته‌ ده‌بێ و گوڵ ده‌ر ده‌کا. له‌سه‌ره‌خۆ پێ ده‌که‌نی! ئارام ئارام دووره‌وه‌ بوو! هه‌ر رۆیشت و هه‌ر رۆیی و چوو... له‌ سه‌ره‌ خۆ بوو به‌ مێژوو... (---) کانی نه‌بوو... فرمێسکی چاوه‌کانم بوو! ئه‌و رووباره‌! باوه‌ش نه‌بوو... مووچڕکی ژان وماته‌م بوو! ئه‌و گوشینه‌! ... ئه‌دی کیژه‌ رووسوره‌که‌ من ئه‌وینداری تۆ نه‌بووم! باوه‌ڕ بکه‌! ... ئه‌وین نه‌بوو.. ئه‌و گڕکانه‌! ئاگر نه‌بوو... ئه‌و سووتانه‌! هیشرێک نه‌بوو... ته‌نیا وتانیا دوایین هۆنراوه‌ی هیوام بوو، له‌ ناو کاتی چاوه‌ڕوانی و بێشکه‌ی ئاوات. ئه‌رێ بڵیی کاتێ نه‌یا؟ به‌رو بوومی هیوا بگات... 1379 (---) تریشقه‌ی بوو، هه‌وری به‌هار له‌ ئامێزی به رزی ئاسمان! له‌ باوه‌شی گه‌رمی منیش؛ کۆرپه‌یه‌ک بوو! تریشقه‌ی هات به‌ره‌و گریان! من دڵنیام... ئه‌و رۆژه‌ دێ... زیڕه‌ی مناڵی ئاواتمان ده‌ڕوات ده‌ڕوات! هه‌تا هه‌وێقی ئاسمان!! ئه‌گه‌ر ته‌نیا جارێکیش بێ تێر تێر ئه‌بێ! تێر له‌ گریان... مناڵی مه‌ ده‌نگی به‌رزه‌! با ره‌نگ زه‌ردیش بێ! له‌ برسان! 1379 (---) بووخچه‌یه‌کی نایه‌ سه‌ر شان! پشروێنی تووند کرد.. شێره‌ژن. ... مه‌یتێکیان نابوه‌ سه‌رشانی دووره‌وه‌ بوون به‌ گریه‌ وشین... ... به‌ڵام ئاخۆ!؟ کاتێ نه‌هات؟ ئه‌و مه‌یته‌یان دوور لاچاوی مه‌! بنێژن...!؟ 1378 (---) له‌ به‌هه‌شتی وڵاتمدا... گوێ به‌ زه‌نگم بۆچرپه‌ی پێی تاقه‌ شه‌یتانی رزگاریم!!! هۆ فریشته‌ی ئه‌هوورایی! زه‌رده‌شت: له‌ خێڵی کام خود! ئاورگی دامه‌زراندوه!؟ بابه‌ شه‌یتان چاوه‌ڕوانه‌ له‌ پشت ره‌شماله‌ به‌رزه‌کان...! 3/12/1378 (---) که‌ پاییز هات! ئای بۆ زستان! که‌ زستان هات! ئای بۆ به‌هار... ئاوری نه‌ورۆز لێره‌و... له‌وێ... گه‌ر به‌هاریش هات! مه‌خابن... گه‌ردن ئازاییت! لێم ده‌وی!!! 1379 (---) له‌ ژێر تیرێژی خۆره‌ تاو... ئاونگ ده‌که‌وته‌ په‌لکێ گووڵ! لای خه‌زه‌ڵ وه‌رینی پاییز... گه‌زیزه‌ له‌ دایک ده‌بوون! له‌ ڕێبه‌ندانی زستانا... هه‌وره‌ گرمه‌ی بوو ئاسمان! له‌ چه‌ژنی سالی ئازادی! شه‌هیده‌کان ده‌نێژران! کات به‌ره‌و کوێ! له‌ رێ دایه‌؟ مێژوو غه‌رقی کاره‌ ساته‌!؟ 1379 (---) ژیکه‌ڵه‌ که‌: ئه‌ی گوڵی سوور! خۆ من! ئه‌تۆم نێو نایه‌ گووڵ: نه‌ک ته‌مه‌نت! ده‌ک بێ به‌هار چاوی هه‌ورم! تۆش گووڵ نه‌بی! نه‌کا! په‌ڕپه‌ڕ بی له‌ ده‌ورم... 1379 (---) تا ئاورمان بووی ئاگردان، به‌ هه‌شتی سه‌ر ڕووی زه‌وی بوو! کوردستان! که‌ کووژاوه‌ ئاگر ئینجا! لێیانده‌دا زوڕنا و هوڕڕا... جه‌هه‌ننه‌مێکی ئاورین... بۆته‌ زیندانی ئه‌ هوورا!!! 1379 (---) ژیکه‌ڵه‌ چاوشینه‌که‌ی خوا: ئه‌ی دوورتر له‌ هیوا و ئاوات! دووژمنیت به‌سه‌ ئاسمان! ... دڵ پڕی نێو چاوان گرژ! ئه‌ی هه‌وره‌ بێ بارانه‌که‌: ... رووڕه‌شی ده‌رکی خۆره‌تاو! تاسه‌باری تا ئه‌به‌دی بۆ چواانی کیژی ئه‌ستێره‌! ... ئه‌منی له‌ کاروان جێماو... شه‌که‌ت ماندوو دڵنیابه‌ حه‌ریفت نێم! نه‌ بۆ جوانی! نر بۆ مه‌کر! نه‌ شه‌یتانی! من کۆچه‌ری ڕێگه‌ ون بووی... شه‌وگاری هه‌وری به‌هاریم! ... به‌ره‌و هێلانێکی گه‌رمی... بێ زڕدایکی وه‌ڕێ که‌وتووم! ... تاسه‌باری مژینی مه‌مکی پڕشیری دایکی خۆمم... نه‌ک تازێبار!!! بۆمن مه‌گرین ئه‌ی هه‌ڤاڵان! تینووی مه‌یلم! بۆ خه‌وتن له‌ناو کۆشی دایک چاو که‌ شه‌و و رۆژ ناناسێ! ئاواره‌ نیم! بێ لانه‌ نیم! فه‌له‌که‌ له‌من ناگه‌ڕێ!!! 1379 (---) سه‌رگه‌ردان...! سه‌رگه‌ردان...! سه‌رگه‌ردان...! له‌ناو کۆڵانی خه‌یاڵا، خه‌وی سارد و شه‌وی زستان! بۆ منی مه‌م ئاگر ... سووتان... بۆ هاواری ئه‌ی ئاو هه‌ی ئاو! پیاڵه‌م به‌ده‌ست... به‌کره‌ شه‌یتان!!! 1379 (---) پرسیا بوو... خێڵی بولبولان! ئه‌رێ! میراتگری گوڵان کێیه‌!؟ که‌وێ له‌سه‌ر دووندی چیا هاته‌ وڵام!! گریانی گووڵ به‌شی ئێوه‌! بۆ ئێمه‌ش هه‌ر... کونچی قه‌فه‌ش! به‌ قه‌قنه‌س چی!؟ به‌هار نوێیه‌!!! 1379 (---) بگرین... بگرین... ئه‌ی هه‌ڤاڵان، وڵاته‌که‌م بێ بارانه‌... به‌شکم رۆژێ بێته‌ به‌هار! بێمه‌لات... بۆ نه‌ورۆزانه‌ 1378 (---) هه‌تاوه‌کان... دێن وده‌ڕۆن، شه‌تاوه‌کان... که‌لێڵ ده‌بن؛ په‌نگیش ده‌خۆن! بێ واده‌ گریانه‌که‌ی تۆ چاوه‌ڕوانی پاییزێکه‌! ئه‌ی بۆخۆت چۆن؟ ئه‌ی بۆخۆت چۆن؟ 1379 (---) ئازیزه‌که‌ی من؛ چاوه‌ڕێ! من چوزانم ئیدی سبه‌یش چ گریانێکم دێته‌ رێ! ... بۆ دیتنی کۆرپه‌ی ئاوات! ساڵهای ساڵان بووم په‌له‌! ئه‌ی چووزانم له‌دایک بێ! به‌ده‌سرازه‌ی ماری حه‌و قه‌ف... له‌لانکۆڵه‌ ده‌نێ له‌له‌؟! ئازیزه‌که‌ی من چاوه‌ڕێ! .........ئه‌رێ! .........ئه‌رێ! ..........ئه‌ری! 1379 (---) ئازیزه‌که‌... لای به‌هار بوو! لای به‌هار وسه‌ری ساڵ بوو... بولبول به‌ گوڵ ده‌بوو خه‌نی! گوڵستانێش پڕ به‌قاقا... پێ ده‌که‌نی! به‌ر له‌وه‌ی مناڵه‌کان بێن! بڵێن هه‌لاوه‌ مه‌لاوه‌... ئازیزه‌که‌! پشوویه‌ک باو! چرای ماڵێمان کووژاوه‌! 137 (---) باوه‌ش: ته‌ماحی حه‌زیا! ئامێز: ئارام گرتن له‌میل دا! ماچ: جه‌غزێک بۆ ناساکی ناسک! گوشین: یه‌ک بوون! پێک گه‌یین: مردن! حه‌سانه‌وه‌ی تائه‌به‌دی... له‌ باوه‌شی حه‌زیاو ئاوات! - هه‌ستی گوشین! - دوو ده‌ست گه‌رم! (---) موژده‌ی ئه‌دا... پێنووسه‌که‌م! ئه‌و رۆژه‌ دێ ببێ به‌ گڕ... رۆشن بکا! نیشتیمانم! سه‌ت مه‌خابن! کوژاندیه‌وه‌ سێڵاوی روونی چاوانم...! 1379 (---) شه‌و: سێداره‌ی مه‌رگ! به‌یان: کۆچی ئه‌ستێره‌! هه‌ڵاتن: سه‌ره‌تایه‌ک بۆ ئاوابوون! تاوهه‌ڵات: دایه‌ گه‌وره‌ی رۆژ ئاوا بوون! هه‌بوون! نه‌بوون! نه‌هاتن چوون: پڕپڕ شنه‌ با بۆ گه‌رووم! ئاخ!!! له‌و تاوانه‌! مناڵیم! دایکی پیریمه‌...! 1379 (---) جاوه‌کانت کیژی به‌یان. قژی ناساکی شۆڕه‌بی پرچه‌کانت! ده‌ستت باوه‌شی پێک گه‌یین! له‌نێو دڵداران خۆشه‌ویست. باوانه‌که‌م باوانه‌که‌م! ... پڕ به‌ باڵای خۆشه‌ویستی! هه‌ستی ئه‌وین! پڕ به‌چاوی هه‌رزه‌کاری چاو داگرتن! پڕ به‌ هێزی هه‌ر دووک ده‌ستم! بۆت ڕێک گووشین! خاچی نیگام... ئاواته‌که‌م! باوانه‌که‌م! 1379 به‌ره‌و پیر چوونی شێعرێکی بۆران مناڵه‌کان! برسیله‌ چاو که‌ژاڵه‌کان! مامه‌ قاله‌ دۆینێ شه‌وێ! نانی هه‌بوو! برسی نه‌بوو! هێزی هه‌بوو! رێزی هه‌بوو! به‌ ناڵه‌و ده‌نگی شمشاڵی... به‌گژ فه‌قره‌قادا ده‌چوو.. ئه‌و ئه‌گه‌ر چی پووڵی نابوو زێڕی نه‌بوو! خانوو و ماین و هۆڵی نه‌بوو...! مه‌به‌ست قاله‌مه‌ڕه‌ی شمشاڵژه‌ن مامه‌ قاله‌! دۆینێ شه‌وێ: مناڵه‌کان! هه‌ر خۆێ نه‌بوو!!! به‌ ئاهه‌نگی... ((پێش مێگه‌له‌! ((پێش مێگه‌له‌! (کێ ده‌ڵێ چاخی چه‌قه‌ڵه‌) له‌ که‌ناران له‌ گۆمه‌شین! ماسی ده‌هێنانه‌ مه‌له! مناڵه‌کان ئه‌و ئه‌گه‌ر چی! هاوار ده‌کا: من نیم! من نیم! ره‌ش سواره‌کانی چوار چرا! ده‌ست هه‌ڵدێنن! ته‌سلیم! ته‌سلیم! 1379 ‌ (---) شه‌مۆ چۆن هات! وا بڕیاوه‌! یه‌ک شه‌مۆهات... هه‌ر ئاواش چوو! کوڕی هه‌ژار بێکه‌ش برسی، ئه‌نووزاوه‌! چوار وپێنج چوو! شه‌وی هه‌ینی! باوکی کرێکار گه‌ڕیاوه‌! به‌ده‌ستی پڕ! به‌ڵام بلۆق!!! هه‌تا ئه‌نیشک ڕاساوه‌...! 8/5/2700 (---) که‌ ئاسمان بسکی شه‌وی! به‌قژگیره‌ی برووسکه‌یه‌ک! ئه‌کرده‌ پرچ! به‌ره‌و به‌یان! چاوی هه‌ور! مرواری گه‌شی هۆنراوه‌ی دائه‌باراند. ئه‌یکرده‌ مل به‌تاسه‌وه‌! نیشتمانی... بۆ سه‌ر گڵکۆی تاقانه‌که‌ی شۆڕه‌سواری! میداڵیک بوون بۆشانازیه‌کی یه‌کجاری! 2700/8/18 خۆڵاویه‌ ده‌سته‌کانی...! خۆڵاویتر لێوه‌کانی...! له‌ ئاسمانمی چاوه‌کانتا... گشت هه‌وره‌کانت له‌دار دان! رێژنه‌... خه‌شخاشکی روومه‌تتی نه‌ناسیبوو... پڕ ته‌مه‌نی پێکه‌نینێک! باڵای نه‌بووئاواته‌که‌ت! دڵداره‌که‌ت! ((له‌چکه‌یه‌ک بوو هه‌ڵواسراو)) ئێسته‌ بۆته‌ سێداره‌یه‌ک بۆسه‌ری ((شه‌یدا)) یه‌کی دی! ئه‌دی... هاوڕێ! پیته‌کانی زاری خۆتن... وشه‌و وشه‌... بوونه‌ زه‌نگی پێش قه‌تارێک! ((کاروان)) ((کار وان)) خۆڵاویه‌ ده‌سته‌کانی خۆڵاویتر لێوه‌کانی... له‌ ڕ- ێ- گ- ه‌ دا بێ پسانه‌وه‌... هه‌ق هه‌ق هه‌ق ته‌ق ته‌ق ته‌ق هرووژم و گڕو لرفه‌ سنووری گۆنای سووری تۆ! جادووی ڕه‌شی زه‌حاکتران! ئامێزی بۆ ده‌گرنه‌وه‌... ئه‌و سینگه‌ پڕ ئاواته‌کان! ماچیان پێ ئه‌دا! ماچ ،ماچ!!! ته‌ق ته‌ق ته‌ق! هه‌ق هه‌ق هه‌ق! تاوانی یه‌ک جار رامووسین! له‌ پشکووتێکی گوڵئاسا... جه‌غزێکی تا ئه‌به‌د سووره‌! - مه‌سیح به‌ خاچ پشت ئه‌ستووره‌!؟ پشتی ئه‌وان... جێی ماچی خاچ! سینگی ئێمه‌ش بۆ گوولله‌ خاچ!!! ته‌ق ته‌ق ته‌ق هه‌ق هه‌ق هه‌ق!!! سینگ وفیشه‌ک تێک هه‌ڵگلان! خاچ ئاڵایه‌ک بۆ گۆڕستان... - مه‌یتی چرکه‌ به‌سه‌ر شانی زه‌مانه‌وه‌! به‌ ته‌ڵقینی مامۆستایه‌ک - بۆ قه‌شه‌ فاتیحای ئه‌نارد: ((چرکه‌ی شه‌هید! تاقانه‌که‌ی خاتو سه‌عات)) بۆدرۆشمی سه‌ر گۆڕه‌که‌ی! خاچ یان تفه‌نگ! ناکرایه‌ جه‌نگ!!؟؟ ته‌ق ته‌ق ته‌ق هه‌ق هه‌ق هه‌ق گورگه‌ مێشه‌ هه‌واڵێکی به‌ سوار کاری پیره‌ شه‌ماڵ! ده‌هؤڵ کوتی ڕه‌هێڵه‌ چاوته‌ڕه‌کانی هه‌وه‌ساوی! په‌ر‌ژینی مه‌زرا ناناسن!! یاخوا هاوار... هه‌وری هه‌وه‌س له‌ ئاسمانه‌ چاو گه‌شه‌که‌ی به‌یتولحه‌رام میوانیکابه‌ توڵلایه‌.. ته‌ق ته‌ق ته‌ق هه‌ق هه‌ق هه‌ق - ئه‌بره‌هه‌ی ڕه‌شی فیله‌ سوار خوایان هاوار ! خۆت سازت کرد ته‌یارت کرد! به‌ر له‌ هه‌موو کوشت وکوشتار! له‌گه‌ڵ سه‌ری تۆ بوو نه‌یار! سوار کاری تف له‌ ماڵی دم را بۆ حه‌وا.. له‌ کوێوه‌ هات بۆ وێ ده‌ڕوا!!! پێچ وپه‌ناش بگرێته‌وه‌! رێشی خاوه‌ن ده‌گرێته‌وه‌! هه‌ق هه‌ق هه‌ق ته‌ق ته‌ق ته‌ق !!! - مه‌یتی ئه‌بره‌هه‌ گه‌ڕاوه‌ - تفی نێو زار قووت دراوه‌! - فیشه‌ک له‌ باوه‌ش ده‌راغا!  راوه‌ستاوه‌! ده‌سا تفه‌نگ؛ ته‌ق بێ ته‌قه‌! هه‌ق هه‌ر هه‌قه‌!!! 1379 ئه‌ی داره‌ داره‌... ئه‌ی داره‌ داره‌... مامه‌ چکۆله‌م تۆخوا دار داره‌!!! مامه‌ گیان هه‌سته‌و... به‌ لاقت بڕۆ... مامه‌ چکۆله‌... به‌ چه‌چت بخۆ!!! ده‌ی داره‌ داره‌! مامه‌ گیان داره‌و وا لێی ترساوین! مامه‌ گیان ڕووت و... خانه‌ ڕووخاوین... ده‌ک داره‌ داره‌!!! به‌به‌ چکۆڵه‌ برسی و هه‌ژارین! به‌به‌ چکۆڵه‌... بێ که‌س وکارین! به‌به‌ چکۆله‌... ئه‌ی داره‌ داره‌! به‌به‌ چکۆڵه تۆخوا دار داره! به‌به‌ گیان چاومان له‌له‌قی تۆیه‌... به‌به‌ گیان چاومان له‌ نازی تۆیه‌... ‌ئه‌ی داره‌ داره‌ ده‌ک داره‌ داره‌ به‌به‌ گیان ده‌ستت... ده‌ک پۆڵایین بێ! به‌به‌ گیان باڵات.. هه‌ر نازه‌نین بێ! ئه‌ت داره‌ داره‌! به‌به‌ له‌ سابڵاغ لانکت بۆ دێنم! به‌به‌ له‌ هه‌ولێر... ژنت بۆ دێنم! تۆ داره‌ داره‌!!! به‌به‌ قڕژاڵی چۆمی سیروانه‌! به‌به‌... نوشته‌که‌ی کاک عه‌لیخانه‌! به‌به‌ دارچین و میخه‌کی تازه‌! به‌به‌ بۆ تۆمان کرده‌ گه‌ڵوازه‌! سا داره‌ داره‌ ! تۆخوا دار داره‌! به‌به‌ی خوێن شیرین: قژکاڵی مامی! به‌به‌ی چاوڕه‌ش و لێو ئاڵی مامی: تۆخوا دار داره‌! به‌به‌ی گیان لاقت... تاکه‌ی ناگرێ؟ زه‌وی بێ هه‌ڵوێست! پاراو ناکرێ! سا داره‌ داره‌.. تۆ خوا دار داره‌! به‌به‌ ئاواتی! ئامان بۆ ناوت! ئاوات پێ بگره‌! به‌رز بێ ناوت... ئه‌ی داره‌ داره‌ ئه‌ی داره‌ داره‌! مامه‌ چکۆڵه‌م تۆخوا دار داره‌ تۆخوا دار داره‌... 1376 ئازیزه‌که‌... به‌ر له‌وه‌ی خاج! سینگی کیژۆڵێک ماج بکات! تارای سووری کیژی خۆر بێت! به‌ر له‌وه‌ی گڕ من له‌ ئه‌وین هاتمه‌ تکا! سوژده‌م دربرد به‌ره‌و ئاگر! ئه‌وتن نه‌کا مه‌نزلگه‌ت خنکاوی دڵ بێت؟ ئاگر تکا! ئه‌وین تکا! ئێسته‌ ئێمه‌ گڕ وئه‌وین... ئه‌وه‌ی نه‌ده‌بوایه‌ ئه‌وین...! سووژده‌ده‌به‌م بۆ هه‌ر لایه‌! سوژده‌ده‌به‌م بۆ هه‌ر خوایه‌! بڵێسه‌و ئاوری هیچ گڕێ... تینی نایه‌...! پیڵووی چاوم داده‌ پۆشێ تارای رووسووری ئاگردان! به‌رد وداری کۆشکی هیوام بۆته‌چوار قولینچکی زیندان! نامسووتێنێ بلێسه‌ی گڕ! من ده‌ی سووتێنم به‌ ئاگر! نایه‌ به‌ره‌و خۆزیام هیوا! من وه‌دوای که‌وتووم ... به‌ره‌و دوا! پڕ به‌ گه‌رووی چه‌رچی شه‌ماڵ ناژی به‌هار! سێبه‌ری ژین... ناگاته‌ سه‌ر داری چنار! حیله‌ حیله‌ ... حیله‌ حیلک... له‌ پێخه‌فی شینی ئاسمان! ده‌ریان ده‌کرد... هه‌وری لاوی دڵ به‌گریان... ڕه‌ش پۆش ده‌بوون... دایکی ویژدان... به‌چه‌مه‌ر چۆپی و ره‌شبه‌ڵه‌ک ده‌چوونه‌سه‌ر ته‌رمی سووری کاوه‌ی کوڕیان...! ده‌بوه‌ گریان! ده‌بوه‌ باران! --- ئه‌وه‌ی باڵای ده‌کرد! ریش بوو... گیا که‌ڵه‌ی نزم و قامیش بووو! نه‌ پاییز دیار بوو... نه‌ به‌هار! به‌ده‌گمه‌ن هه‌ی بوو! گه‌ڵا... دار! کۆشی پڕ له‌ به‌فری زستان دوژمن بوو ده‌گه‌ڵ رێبه‌ندان ره‌ش سوار مان. به‌چکه‌ شێرن!؟ ته‌نیا تابووتن... بوێرن...؟؟ ئاوانه‌ی... ئێستاکه‌ مه‌ردن هه‌زار ساڵ له‌مه‌و به‌ر بردن! ئاوات: سه‌وه‌ڕی ئه‌سپی بریایه‌! خه‌یاڵ: رکێفی سواری ده‌ریایه‌! به‌یان رۆژ قه‌ده‌غه‌یه‌ دیواری ناو کووچه‌و شه‌قام ده‌فته‌ره‌و لێنووسی مه‌یه‌! شه‌ڕی زمان وشمشێره‌! زاماره‌ ئه‌وه‌ی بوێره‌! خه‌ڵکینه‌ های... بانگه‌وازێک... هاوارێ له‌گه‌روودا خینکا... ره‌حمه‌تی خودا له‌وه‌بی! تێکڕ بچنه‌ سه‌ر گۆڕستان! ده‌با بینێژین هه‌موومان! ئه‌و هاواره‌ی وا جوانه‌مه‌رگ! خه‌ڵکینه‌: له‌ماڵ وه‌رنه‌ده‌ر! به‌ گاورکێ دانوێنن سه‌ر نه‌کا باڵاو به‌رزتر بێ له‌ مامۆستا! خه‌ڵکینه‌: بگه‌نه‌ فریا... هاوار... هاوار... خینکا! خینکا! سه‌ڵا له‌ مه‌ ((هاوار نێژان)) هاواره‌که‌ی ناو گه‌رووتان! سه‌ڵا له ‌وه‌ پێ بکه‌نن! ناشتنی ئه‌م هاواره‌ی وا! له‌ قوڕگی گشتمانا! وێستا! پێبکه‌نن! قاقا... قا... قا... سه‌ڵا له‌ه‌ ئه‌وکه‌سانه‌ی... جه‌رگی نه‌یتان هه‌ڵۆڵ ده‌کرد! سه‌ڵا له‌وه‌... ئه‌و که‌سانه‌ی... له‌ کووله‌که‌ی ته‌ڕی ته‌ڕ دا! بانگو ئه‌دا! سه‌ڵا... سه‌ڵا... ده‌ی کوژن!! پێمان ده‌نێژن... ده‌یڕێژن پێمان ده‌جێژن... هه‌ڵی داوێن؟ ده‌یگرنه‌وه‌! ده‌ری ده‌که‌ن؟ ده‌ی هێننه‌وه‌! سه‌ڵا له‌وه‌! به‌ خوێنی ره‌زان! مه‌ست ئه‌بن! به‌ ناڵه‌ی نه‌ی بێهه‌ست ئه‌بن! به‌ ده‌هؤل وده‌ف وزوڕنا... دێنه‌ سه‌ما سه‌ڵا له‌وه‌ سه‌ڵا... سه‌ڵا... خوری گیانه‌وه‌رێکی بێ ئازار... هه‌ڵ ده‌پێچن! ده‌یکه‌ن به‌ڕیس... کێژی ئه‌ده‌ن دوایه‌ گوریس! ره‌نگی ده‌که‌ون و، ده‌یڕێسن! به‌ر له‌ هه‌مو کارێکی تر! له‌ ده‌ست وباڵی ساویلکه‌ی! کۆرپه‌ی خۆتانی ده‌پێچن! خه‌ڵکینه‌ های:!!! لێم کۆوه‌بن! ئه‌میش چیدی هه‌را ناکه‌م! تاز... ((کای کۆن به‌با ناکه‌م)) هه‌بوو نه‌بوو... ده‌گێڕنه‌وه‌ رۆژگاری زوو... مریشکه‌ قوڵێک! وه‌ڕی که‌وت بۆشاری شوو... بۆی چوونه‌ جێژوان بوونه‌وه‌ر! لێی ده‌پرسین؟ یه‌ک یه‌ک دوو دوو! ((به‌کام خۆراک! به‌خێومه‌که‌ن؟ باکامه‌ داحبا لێم ئه‌ده‌ن؟! مریشکه‌ قوڵه‌! چه‌ند رۆژ دوایی... بوو به‌هاسه‌ری ئه‌به‌دی مشکێ بێ خانووچکه‌ی چیای! خه‌ڵکینه‌ های... مریشکه‌ قوڵ وه‌ڕێ که‌وت! له‌نێو گیانداران تێ که‌وت! وه‌لای نا... چی به‌کار نه‌هات! هه‌ڵی بژارد... هه‌ڵی بژارد... خه‌ڵکینه‌ های!؟ ده‌ست ببزێوین! چناره‌کان هه‌ڵپه‌رتێوین! بدرووینه‌وه‌ گیاو گژی نزمی بێکاره‌! بکێڵین هه‌رچی به‌یاره‌! پڕ به‌باڵامان ڕاوه‌ستین! ئه‌ستێری هه‌تاو هه‌ڵبه‌ستین! به‌یان و رۆژ به‌رهه‌ممان بێ! نه‌ک له‌ جێژوان یشه‌وی تار!1 ژوانی شمشێر و سه‌رمان بێ!! ساڵی1379ی هه‌تاوی (---) جگه‌ره‌! ئای... هه‌ڵیان پێچای ده‌سته‌کانم! نه‌بووم! خۆم! که‌! لێیان دای مژ! لێوه‌کانم! خۆ! نه‌بووم! که‌! ئای! جگه‌رۆ...! هه‌ڵپێچرای! نه‌م بوو خه‌تا! سازیان کردی! بسووتێی! تا! ده‌سته‌کانم! تۆ! خوا گیان ! ئه‌من! ئه‌ی رۆ!!! جگه‌ر: ئای ڕۆ! ئای جگه‌ر رۆ!! 79/9/3 (---) بشۆره‌وه‌... ده‌سته‌کانت... ده‌توانی تا! دێ له‌و به‌هاره‌ی پاش خه‌زان! چرۆ واده‌ی چه‌ند مانگی تر! سست!... سست...! ناکا! گه‌ڵا دووخه‌و ببێ!!! 1379/9/3 (---) شریخه‌ی هات... گووله‌ی چه‌کێ... دڵی ئه‌وین که‌ راخوشی! سوارێ گلاو! شین که‌ ئه‌بوو! گوڵاڵه‌یه‌ک... سوور بوو گۆنای! به‌ئاڵی خوێنی شه‌هیدێک! له‌مه‌دره‌سه‌ قوتابیه‌ک! به‌ گه‌چی سوور فێریان ئه‌کرد ((بابا ئاب داد)) 1379/10/14 (؟ ؟ ؟) خوا: ئه‌ی خوای شه‌یتان! بگرم... ده‌ستت؟! یان هی ئه‌میان!؟ ...به‌ندی به‌هه‌شت بم! یان ئازاد؟ ...ئازاد، شه‌یتان ئه‌وێت منی! یان تۆ ئازاد! ...ئه‌ی وێت شه‌یتان!؟ ...ئه‌ی داد بێ داد! ...به‌سه‌رتان، رۆ تانه‌خاوه‌! بخێنه‌ رۆ... ...خانووچکه‌که‌ت! ...نه‌! تا مردووی مرێنه‌ ئه‌و دڵه‌ی ...که‌ بووی ...ها... قه‌بر تا نه‌ی خواردووی! برۆره‌ ...ئه‌و جێگه‌ی نه‌بووی! ...شه‌یتان هه‌تا! زه‌وی نه‌کرده‌ هی ده‌خۆی!!! ...نه‌کا نه‌رۆی! --- نه‌چی! نه‌چی. --- ...جیهانه‌، ئه‌م بن وسه‌ره‌ بن له‌سه‌ره‌! ...سه‌ر له‌بنه‌! ...نۆژه‌، که‌ ئه‌م به‌ستوه‌دات هه‌ر ...ژه‌مه‌ پێنج! ...دووره‌؟ خودا ئه‌می وونه‌! هاکا وتی!!! ...نه‌ک بۆ منه‌! ...بۆ ئه‌مه‌ی کرد ئازادمنی! خاوه‌نی سێو... گه‌نم! ...خه‌نی! ...خاوه‌نێ له‌خاوه‌ن خه‌نی له‌گه‌ڵ ئه‌وا!!! ...خۆت دوژمنی! ...منی دژ خۆت! خۆت! دژ ...منی بۆ من: ئه‌من!؟ ...بۆ ئه‌من! من! ناگرێته‌ خۆ؟ ئاخۆ! من! من! یان ...ئه‌من!تۆ؟ ...ئامن: تۆ! ئه‌و: ئێمه ...ئه‌ی خوا! ‌...ئه‌ی خوای ئێمه‌: ئه‌ی ئێمه‌ی! ...خوا ...ترس نا لێتم! لێتم ترس! ...نا..، یه‌ک تۆ له‌دژمن!!! منێک له‌دژ تۆ ((یه‌ک دوو ده‌ترسم!)) + - + _ + - یه‌ک یه‌ک له‌ دژمان! دژ له‌ یه‌کمان دوو دوو نه ‌مان! مان نه‌ دوو ماندووم ئه‌من! ئه‌ی ئه‌من یه‌ک مانی! مان. من! خۆم: خۆ! لا! خووڵا! ئه‌من: ئه‌+من ئه- لا= ئه‌ڵڵا!!! (---) هه‌ته‌ر... تا چاو ده‌کا!!! ته‌پ ومژ هه‌ر... تۆش: بایه‌ قووش: بۆ هه‌ڵورین... که‌لاوه‌یه‌ک شک نایه‌ پێت!؟ (---) زایه‌ڵه‌ت ئای! له‌ سایه‌ ها! هوێ بگره‌ ! وه‌ره‌؛ زایه‌ڵه‌ی ئه‌م کۆتره‌ ده‌خینکێ! له‌ رووباری پیس دا! جزرکه‌ی ئاشتی : (ئاته‌شه‌)! نابیسرێ ((نا))! ئه‌دا قووتی ئه‌م هاواره‌! گوێچکه‌کانی! - تیمساح ئاسا! ئه‌گریا چاو! ((Peace))ه‌ ئه‌و رووباره‌! روو پیس! کۆتایی هات! بێ کۆتایی! گڕ!؟ گڕ!؟ گڕ!؟ بۆ سووری ته‌مه‌نی مردوو! دلۆپێک! فرمێسکی گه‌رم! (---) هێور ئاشنا! نه‌درکێ لێت !!! لێوه‌کانت...! نازانن با ئه‌ستێره‌کان! به‌مانی ئه‌م تاریکه‌ ژوانه‌! ئاشنا نیسێ رۆشن نه‌بێ لێت! شۆقی چاوانت ئاشنا ئه‌ی ژین!؟ گیانی شیرینم: سڵامه‌ت چاوت چاوی فه‌رهادت! (---) کڕ ده‌به‌م نۆش! کڕ نۆش ده‌به‌م دێته‌ له‌ زارما یه‌ک دوان! دێته‌! له‌چاوما دوو روان نایه‌ته‌ هیچ ده‌نگێک ژوان! خۆ! یه‌ک له‌ چاوم دا خه‌یاڵ دا! یه‌ک مه‌که‌ی ئا خۆ! له‌ماڵ باڵای له‌ چاوما په‌ پووله‌ باڵای باڵات: ئاخ په‌کوو له‌؟... ته‌ گوڵ تۆ نه‌ت وێ به‌پووله‌ ده‌ئاگر! نه‌ت وێ په‌پووله‌ خۆیه‌ک ساز ده‌که‌م ئه‌من دا بێته‌وه‌! گشت به‌یانیه‌ک دا! په‌رێ بکا پرچه‌که‌ی شان ئه‌و جێگه‌ی! ئێمه‌،تا تێیاین هه‌ ده‌ستێ به‌ برچی تاو ده‌گرم هه‌ ده‌گرێ! تا ده‌ستم ده‌فڕم هه‌ لێوم تا ده‌کا مژین خۆ له باوه‌شی دا ئه‌وین ‌

سیابه‌خت وجالال مه‌له‌کشا

ئه‌م جۆره‌ شێعرانه‌ به‌ ڕاستی سه‌رسامم ده‌کا! واته‌و مانای زۆر له‌ قالبی چه‌ند وشه‌دا ئه‌مه‌ واته‌

شێعر...

به‌شی دوهه‌می درۆکان...

دڵ، ناده‌ن...

به‌ هه‌وه‌سی هیچ بارانێک!!

ئه‌م زه‌ویه‌ رووسوورانه‌ی

هه‌میشه‌ هه‌ر!

بیابانن...

کتێبی درۆکانیش راسته‌قینه‌بوون

 

بێده‌نگی..

            ته‌مه‌نێک!

 

بیستت ئه‌مه‌ی !

      شاعیرێک بوو:     

            بۆ ڕێز له‌گیانی شه‌هیدان!

            یه‌که‌م وته‌ و دوامینی بوو...

            بێده‌نگی !!

                        ته‌مه‌نێک!

له‌شکری مشکان(شێعری مناڵان)

خرم  خرم  خرم  خرم       

خاڵۆ مشکه‌ ده‌خوا کرم!

 

له‌ژێرئه‌رزه‌خواروخه‌ویان

ژیان کونێکه‌ لای ئه‌وان!

 

زۆر بێزارن له‌ پشیله‌!!!

ئه‌وی خۆی گێژبکا دیله‌    

 

دیمانه‌ له‌گه‌ڵ سیروان

• ئاماژه‌ شێعر هاورێیه‌کی دڵسۆزه‌ گوێ له‌به‌سه‌رهات و خه‌مه‌ ناخۆشه‌کان ده‌گرێ. شێعر لای شاعیر رێگایه‌که‌ ناخی خۆی پێ به‌تاڵ کاته‌وه‌، هه‌تا بیگه‌یه‌نێ به‌ئاسووده‌یی ئاسووده‌یه‌کی پڕ له‌ خۆشه‌ویستی سه‌رده‌م.چونکه‌

ئاسووده‌یی ده‌رگایه‌که‌ بۆ گه‌ییشتن به‌ هیواو ئامانجه‌ خه‌فه‌ کراوه‌کانی ژیان.کاک سوله‌یمان سیابه‌ختیش یه‌کێکه‌ له‌و ده‌نگه‌ شێعریانه‌ی ئه‌مڕۆی ئه‌ده‌ب که‌ به‌ دڵفراوانیه‌کی زۆره‌وه‌ خه‌ریکی داهێنانی تایبه‌تی دنیای شێعری خۆیه‌تی .ساڵی 80 دیوانێکی به‌ناوی (تراژیدیای بێ کۆتایی) بڵاو کرده‌وه‌ ئێسره‌ش کتێبێکی ئاماده‌ی جاپه‌ به‌ناوی

((درۆکانیش راسته‌قینه‌ بوون)) .

ئه‌فسانه‌ی ده‌نکه‌ هه‌نار

رۆژێک له‌ رۆژان.کچێک ده‌بێ، نێوی ده‌نکه‌ هه‌نار ده‌بێ؛ له‌ گه‌ڵ ئامۆژنی ده‌چن بۆکانێ.

په‌ڵه‌یه‌ک خوێن ده‌بینی که‌له‌ سه‌ر به‌فری رژاوه‌ ؛زۆری پی جوان ده‌بی؛ نازانێ چی لێ بکا؛

_ده‌ڵێ: ئامۆژن؛ ئه‌و خوێن وه‌ک چی ده‌چێ؟

_ده‌ڵێ:وه‌ک گه‌ردنی میر خوناوکه‌ی...

_گه‌ر دنی میر خوناوکه‌ی چیه‌؟

_میر خوناوکه‌ کوڕی پادشای میسریه‌!

نه‌مه‌ یه‌ک بۆ کووفی عه‌نان

 

نامه‌یه‌ک بۆ کووفی عه‌نان

                             سوله‌یمان سیابه‌خت بۆکان

خاڵه‌ کووفی گیان به‌ قوربانی رووی ره‌شی تابانت بم وه‌ک مانگی چارده‌ ده‌ دره‌وشێ ده‌ستم به‌ دامێنت. زۆر له‌ مێژ بوو ده‌مه‌ویست سلاوێکی خۆمانه‌ت بۆ بنێرم به‌ڵام به‌ گیانی حه‌ولادت.